தானோட்டிக் கார்கள் – சமூகத் தேவை மற்றும் மனித ஓட்டுதல் பிரச்னைகள் – பகுதி 4

எந்த ஒரு புதிய தொழில்நுட்பத்திற்கும் ஒரு தேவை இருந்தாலே அது வெற்றி பெறுகிறது. தொலைதூரப் பயணம் என்பது மனிதர்களுக்குக் கால்நடையாகச் செல்வது அதிக நேரம் மற்றும் உடல் சோர்வு உண்டாக்குவதால், விலங்குகளில் ஆரம்பித்து (குதிரை, யானை), சைக்கிள் என்று முன்னேறி, கார் வரை தேவையானது. கடல் தாண்டிச் செல்ல கப்பல் மற்றும் விமானம் தேவையானது. தானோட்டிக் கார்களுக்கு என்ன தேவை?

மிக முக்கியமான காரணம் மனித ஓட்டுனர்கள்.

  • இன்று உலகெங்கும், பல பெரிய நகரங்களில், பெரிய சாலைகள் இருந்தும், போக்குவரத்து நெரிசலால், முன்பு போலச் சரியான நேரத்திற்கு நாம் செல்லுமிடம் அடைய முடிவதில்லை.
  • மனிதர்களும் அதிகரித்து விட்டதால், அனைவரின் போக்குவரத்துத் தேவைகளும் கார்கள் மூலம், இருக்கும் அதே சாலை அமைப்பில் நிறைவேற்றப்பட வேண்டும்.
  • மலிவாகக் கார்களைத் தயாரித்தால், பிரச்னை சரியாகிவிடும் என்று நினைத்து, பல கோடி கார்களை வாகனத் தயாரிப்பாளர்கள் வருடா வருடம் தயாரிக்கத் தொடங்கினார்கள்.
  • உலகின் பல அரசாங்கங்களும் இந்தத் தீர்விற்குத் துணை போயின. விற்பனை வரி, உரிம, நிறுத்துமிட, மற்றும் சாலை பயன்பாட்டு வருமானம் என்று அரசாங்கங்களும் பயனடைந்தன. ஒவ்வொரு நாட்டிலும் வரிப்பணத்தின் ஒரு பகுதி சாலைப் பராமரிப்பிற்குச் செலவிடப்பட்டது

 

  • போக்குவரத்துக் கட்டுப்பாடு, ஓர் அளவிற்கு மேல், மனிதர்களால் இயலாது என்று வளர்ந்த நாடுகளில் சிக்னல்/கணினி மூலம் போக்குவரத்தைக் கட்டுப்படுத்த முயற்சி, கடந்த 50 ஆண்டுகளாக நடந்து வரும் விஷயம். உதாரணத்திற்கு, கனடாவில், ஒரு பெரிய நகரம், அங்குள்ள சிக்னல்கள் அனைத்தையும் LED தொழில்நுட்பத்திற்கு மாற்றினால், மின்சாரச் செலவு மட்டும் வருடத்திற்கு 5 லட்சம் டாலர்கள் வரை மிஞ்சும் என்று கணக்கிட்டது என்றால் பாருங்களேன்
  • கார்கள் பெருகியதால்,வட அமெரிக்காவில், மனிதர்கள் நகரின் மையப்பகுதியைத் துறந்து, புறநகர் பகுதியில் பெரிய வீடுகளில் வசிக்கத் தொடங்கினர். நகரங்கள் பெரிதாகிக் கொண்டே போயின. மெல்லிசை மன்னர் விஸ்வநாதன், வட அமெரிக்கப் பயணம் ஒன்றின் பொழுது, ‘என்ன, விடுதியும், இசை அரங்கமும் இரு நகரங்களிலா இருக்கிறது? காரை ஓட்டிக் கொண்டே இருக்கிறார்களே’ என்று அலுத்துக் கொண்டதாக எஸ்.பி.பி. ஒரு போட்டியில் சொன்னது, இந்த நகரப் பரவல் (urban sprawl) காரணமாகத்தான்.
  • பெட்ரோல் மூலம் இந்தக் கார்கள் இயங்குவதால், புகை ஒரு பெரிய பிரச்னையாகிவிட்டது. பெய்ஜிங், டில்லி போன்ற நகரங்களில், காற்று மாசடைந்து அதனால் வரும் நோய்கள் அதிகமாகி, இதுவே ஒரு பெரிய சமூகப் பிரச்னையாகிவிட்டது
  • இவற்றை எல்லாம்விடப் பெரிய பிரச்னை, விபத்துக்கள். வாகன விபத்துக்கள் என்பது இன்று சர்வ சாதாரணமாகி விட்டது. விபத்துக்களால், உயிர்கள் பரி போவது மட்டுமல்லாது, மருத்துவச் செலவுகள் நம்முடைய சமூகத்தில் அதிகரித்தும் வருகிறது. இதனால், நெருக்கடிச் சேவைகளுக்கு (emergency services), வாகனங்கள் மிகப் பெரிய பாரமாகி வருகிறது
  • விபத்துக்களில், மிக முக்கியப் பிரச்னை, மது அருந்திய வாகன ஓட்டுனர்களால், ஏற்படும் விபத்துக்கள். அரசாங்கங்கள் எத்தனைதான் முயன்றாலும் உலகெங்கும் இவ்வகை விபத்துக்கள் அதிகரித்தே வருகின்றன
  • நிறுத்துமிடம் என்பது இன்று வசிக்க ஒரு வீடு போன்ற ஒரு பூதாகாரமான பிரச்னையாகி விட்டது. சில நகரங்களில், வீடு கிடைத்தால்கூட, வாகன நிறுத்துமிடம் கிடைப்பதில்லை. குறிப்பாக, பழைய, பெரிய நகர மையங்களில் இது உல்கெங்கும் ஒரு பிரச்னை

இந்தப் பிரச்னைகள் நம்முடைய பொறுப்பின்மையால் வந்ததா? எளிதாக ஆம் என்று சொல்லி விடலாம். ஆனால், வேறு வழியில்லை என்று வரும் பொழுது, நாம் பிரச்னைகளுடன் வாழப் பழகி விடுகிறோம். ஆனால், நாம் எடுக்கும் ஒவ்வொரு முடிவிற்கும் ஒரு விலையுள்ளது. சமூகம் அந்த விலையை வரிகள் மூலம் கொடுத்து வந்துள்ளது. இங்குப் பட்டியலிட்டுள்ள எல்லாப் பிரச்னைகளையும் தானோட்டிக் கார்கள் தீர்த்துவிடும் என்று அர்த்தமில்லை. ஆனால், மிகப் பெரிய பிரச்னையான விபத்துக்கள் மற்றும் குடிபோதையில் வாகன ஓட்டுதல் என்ற இரு பிரச்னைகளைத் தானோட்டிக் கார்கள் நிச்சயமாகத் தீர்க்கும் என்று எதிர்பார்க்கப்படுகிறது. விரிவாக இந்தப் பிரச்னைகளைப் பார்ப்போம்.

 

பொதுவாக, நாம் பெட்ரோல் விலை அதிகமானால் சீறுகிறோம். அரபு சர்வாதிகாரிகளைத் திட்டுகிறோம். கார் செலுத்துவதன் பிரச்னைகளில், பெட்ரோல் ஒரு சின்னப் பங்கே வகிக்கிறது. மேலே உள்ள படம், ஒரு மைல் பயணத்திற்குச் சமூகம் தரும் விலையைப் பட்டியலிடுகிறது. நம்முடைய பாக்கெட்டிலிருந்து பெட்ரோல், கார் பராமரிப்பு மற்றும் காப்பீடு – இந்த மூன்றே செலவுகள் தான் என்று நினைக்கிறோம். சமூகத்திற்கு, இன்னும் பல செலவுகள் உள்ளன. போக்குவரத்து நெரிசல், விபத்துக்கள் மற்றும் காற்று மாசு/புவி சூடேற்றம் பெட்ரோல் விலையை விடப் பல மடங்கு அதிகம்.

உதாரணத்திற்கு, AAA  என்ற அமெரிக்க அமைப்பு, வருடத்திற்கு 10,000 மைல்கள் ஓட்டப்படும் ஒரு சாதாரணக் காருக்கு ஆகும் செலவுகளை இப்படிப் பட்டியலிட்டுள்ளது;

 

செலவு விவரம் செலவு விளக்கம்
பெட்ரோல் செலவு $1,500.00 மைலுக்கு 15 சென்ட்கள் 10,000 மைல்களுக்கு $1,500
பராமரிப்புச் செலவு $500.00 மைலுக்கு 5 சென்ட்கள் 10,000 மைல்களுக்கு $500
டயர்கள் செலவு $100.00 மைலுக்கு 1 சென்ட். 10,000 மைல்களுக்கு $100
தேய்மானச் செலவு (depreciation) $3,244.00 பல கார்களின் சராசரி தேய்மானச் செலவு
கடன் வசதிக் கட்டணம் (finance charges) $831.00
குத்தகை மற்றும் பதிவுச் செலவு (leasing and registration charges) $600.00
மொத்த செலவு $6,775.00

 

நாம் முன்னே பார்த்த படத்தில், மைலுக்கு ஆகும் செலவில், அதாவது 15 சென்ட்களில், மற்ற சமூகச் செலவு பளூ எவ்வளவு என்று பார்தோம். 15 சென்ட்களில், 13.1 சென்ட்கள் இவ்வகைச் செலவிற்கே சரியாகி விடுகிறது. ஒரு கார் சராசரி 10,000 மைல்கள் ஒரு ஆண்டுப் பயணிக்கிறது என்று வைத்துக் கொண்டால், சமூகச் செலவு 13.1*10,000 = $1,310. அமெரிக்காவில், ஏறக்குறைய 2014 –ல் 243 மில்லியன் வாகனங்கள் இருந்ததாக ஒரு புள்ளி விவரம் சொல்லுகிறது. அதாவது, சமூகச் செலவு, இந்த வாகனங்களால்,

243,000,000 * $1,310 = $318,330,000,000

இந்திய ரூபாய்க் கணக்குப் படி (டாலருக்கு 66 ரூபாய்) 21 லட்சம் கோடி ரூபாய்கள். இந்தக் கணக்கில், கட்டுமானச்  செலவுகள் எதுவும் அடங்காது. சாலைப் பராமரிப்பு, புதிய சாலைகள் மற்றும் பாலம் கட்டும் செலவு, புதிய சிக்னல்கள், புதிய சாலைக் குறிகள் எதுவும் இதில் அடங்காது.

கார்களில் சேர்க்கப்படும் பாதுகாப்பு அம்சங்கள் ஒவ்வொன்றும் பல கோடி கார்கள் ஓடுவதால், அதன் தாக்கம் பெரிதாக இருக்கும் என்பது பல வல்லுனர்களின் கருத்து. ஆனால், பாதுகாப்பு அம்சங்கள், பெரும்பாலும், விபத்தை எப்படித் தவிர்ப்பது என்ற நோக்கத்தையே முன் வைக்கின்றன. உயிர் சேதத்தை எப்படிக் குறைப்பது என்பதே இவற்றின் நோக்கம். உதாரணத்திற்கு, இருக்கை வார் (seat belts) மற்றும் காற்றுப் பைகள் (air bags) விபத்து விஷயத்தில் மிகப் பெரிய தாக்கத்தை ஏற்படுத்திய முன்னேற்றங்கள். ஆயினும், உயிர்சேதத்தைக் குறைத்த இவ்வகை அம்சங்கள், விபத்தைத் தவிர்ப்பதில் வெற்றி பெறவில்லை. ஒரு 5 ஆண்டுகளுக்கு முன்பு, கார் விபத்துக்களால் இருந்த உயிரிழப்பு அளவு, இன்று இல்லை என்பது நிச்சயம். ஆனாலும், விபத்துக்கள் நேர்ந்த வண்ணம் இருக்கின்றன. நாம் பார்த்த 2.4 சென்ட்கள் (ஒவ்வொரு 15 சென்ட்களுக்கும்) இன்னும் குறைந்தபாடில்லை.

அத்துடன், இந்தப் படத்தில் காட்டாத இன்னொரு விஷயம் வாகனங்களை நிறுத்துமிடம் பற்றியது. ஒரு புள்ளிவிவரத்தின் படி, லாஸ் ஏஞ்சலஸ் நகரத்தின் மையப் பகுதியில் உள்ள நிலப்பரப்பில் 81% கார்கள் நிறுத்துமிடத்திற்கே சரியாக உள்ளது. இதன் அர்த்தம், வெறும் 19% –ல் கட்டிடம், மனிதர்கள் எல்லோரும் இருக்கிறார்கள் என்பதல்ல. பல மாடி கார் நிறுத்துமிடங்களின் நிலப்பரப்பையும் சேர்த்துக் கொண்டால், கணக்கு இப்படி பூதாகரமாகத் தெரிகிறது. உலகின் எல்லாப் பெரிய நகரங்களிலும் இதுவே பிரச்னை.

இன்னொரு புள்ளி விவரப்படி, ஒரு சராசரிக் கார், தன்னுடைய பயனுள்ள ஆயுளில், வெறும் 5% நேரமே செலுத்தப்படுகிறது. 95% நேரம் நிறுத்தப்படுகிறது. இதைப் போன்ற நில விரயம் வாய்ந்த ஒரு தொழில்நுட்பம் ஏதுமில்லை. கார்கள் வருவதற்கு முன்னர், லண்டன் மாநகரத்தின் பெரும் பிரச்னை, குதிரை நிறுத்துமிடம் மற்றும் அதன் சாணம் என்றிருந்தது. இன்று, நம்முடைய பல நகரங்களின் நிலப்பரப்பை ஆக்கிரமிக்கும் ராட்சசனாகக் கார் மாறிவிட்டது!

பிரச்னைகளை அடுக்கியாகிவிட்டது. அடுத்தபடியாக, தானோட்டிக் கார்கள் எந்த வகைப் பிரச்னைகளைத் தீர்க்க உதவும் என்று பார்ப்போம்.

டெஸ்லா போன்ற கார்கள் மின்கார்களாகவும், தானோட்டித் தன்மை வாய்ந்த கார்களாகவும் இருப்பதை, இங்கு ஒரு விதிவிலக்கு என்றே அணுகுவோம். இன்னும் சில ஆண்டுகளில் வரும் கார்கள் பெட்ரோலிலேயே இயங்கும் என்று வைத்துக் கொள்வோம்.

  • நிறுத்துமிடம்: தானோட்டிக் கார்கள், ஒருவரை, அவர்களுக்கு வேண்டிய இடத்தில் இறக்கி விட்டு, அடுத்த பயணி இருக்கும் இடத்திற்குப் பயணிக்கலாம். எங்கே நிறுத்துவது என்று அல்லாட வேண்டாம். அப்படியே, அடுத்த பயணி கிடைக்கவில்லையென்றாலும், ஊரின் மையப் பகுதி அல்லாமல், ஒரு 30 அல்லது 50 கி.மீ. தள்ளி, நிறுத்திக் கொள்ளலாம். நகரின் மையப் பகுதியில், அடுக்கு மாடி நிறுத்துமிடங்கள் மற்றும், தெருவோர நிறுத்துமிடங்கள் என்று இடத்தை வீணாக்க வேண்டியதில்லை. தானோட்டிக் கார்களின் மிகப் பெரிய தாக்கம் நிறுத்துமிடமாக இருக்கும். உள்ளூர் அரசாங்கங்கள் ஊரின் வெளியே இவற்றை நிறுத்த இடம் தர வேண்டி வரும். இன்றுள்ளதைப் போல நிறுத்துமிட வாடகைப் பணம் கிட்டாது. ஒன்று மட்டும் நிச்சயம் – தானோட்டிக் கார்கள் 5% பயனுடன் மனிதக் கார்கள் போலத் தூங்காது
  • போக்குவரத்து நெரிசல்: நகரின் மையப் பகுதிகளில், நிறுத்துமிடம் தேடும் கார்கள் குறைந்தாலே, சற்றுப் போக்குவரத்து நெரிசல் குறையும். மேலும், பெரும்பாலும், போக்குவரத்து நெரிசலுக்கான முக்கியக் காரணம், மனிதர்கள் கார்களை, சீரான வேகத்தில் செலுத்தாதது, மற்றும் வாகனங்களுக்கிடையில் சரியான இடைவெளி விடாதது. இவ்விரண்டு பிரச்னைகளையும் தானோட்டிக் கார்கள், சீராக ஓட்டுவதால், நேர விடாது. இதனால் போக்குவரத்து நெரிசல் குறையும் என்பது வாதம். இன்னும் நடைமுறைக்குத் தானோட்டிக் கார்கள் வராததால், பொருத்திருந்துப் பார்க்க வேண்டும்
  • காற்று மாசு/புவி சூடேற்றம்: நகர மையப் பகுதிகளில் நின்று நகரும் போக்குவரத்து பெட்ரோல் விரயத்திற்குப் பெரும் காரணம். மேலும், ஊரும் வாகனங்கள் காற்றை மாசுபடுத்துகின்றன. ஒரு பேச்சிற்கு, ஒரு நகரில் அனைத்து வாகனங்களும் தானோட்டி வாகனங்கள் என்று வைத்துக் கொள்வோம். சீராக ஒரே வேகத்தில் நகரும் வாகனங்கள் ரயிலைப் போன்று இயங்கும். இதனால், நின்று நகரும் போக்குவரத்து வெகுவாகக் குறையு வாய்ப்பு உள்ளது
  • விபத்து: பெரும்பாலான விபத்துக்கள் இரு காரணங்களால் நிகழ்கின்றன. 1) அளவிற்கு அதிகமான வேகம் 2) மனித ஓட்டுனர் தவறுகள். இவை இரண்டும் தானோட்டிக் கார்கள் பெரிதும் குறைத்துவிடும் என்ற நம்பிக்கை வல்லுனர்களுக்கு இன்றுள்ளது. முதலில், ஒரு சாலையில், குறிப்பிட்டுள்ள வேகத்திற்கு மேல் தானோட்டிக் கார்கள் செல்லாது. மேலும், மனிதர்களைப் போல, தானோட்டிக் கார்கள், சரியாகக் கவனிக்காமல், வரைபாதைகளை மாற்றாது
  • குடிபோதை விபத்துக்கள்: நிச்சயமாக இது நேராது என்று தைரியமாகச் சொல்லலாம். தானோட்டிக் கார்கள் மது அருந்தப் போவதில்லை. அதனால், காருடையை கணிப்புத் தவறாவதற்கு வாய்ப்பே இல்லை

நாம் பார்த்தப் படத்தில் உள்ள 13.1 சென்ட்களில், குறைந்தபட்சம், பாதியாவது மிஞ்சும் என்பது சில ஆராய்ச்சியாளர்களின் கணிப்பு. மின் கார்கள் ஒலியளவையும் சற்றுக் குறைக்கும் என்று எதிர்பார்க்கப்படுகிறது.

பின் ஒரு பகுதியில், இந்த வகைக் கார்கள் எப்படிப் படிப்படியாக அறிமுகப்படுத்தப்படும் என்று விரிவாகப் பார்ப்போம். ஈலான் மஸ்க் சொன்னச் சட்ட புறம்பான மனித கார் ஓட்டுனர்கள் என்ற நிலை வர இன்னும் 50 ஆண்டுகளாவது ஆகும் என்று சொல்லலாம். ஒன்று மட்டும் நிச்சயம் – மோசமான மனித கார் ஓட்டுனர்களால், சமூகத்திற்கு ஏராளமான பொருளாதார/சுகாதார பளு கடந்த 60 ஆண்டுகளாக  நேர்ந்துள்ளது மறுக்க முடியாத நிகழ்வு.

பாதுகாப்பு அம்சங்களைப் படிப்படியாக வாகனத் தயாரிப்பாளர்கள் அறிமுகப் படுத்தி வந்துள்ளார்கள் என்று பார்த்தோம். பல அரசாங்க போக்குவரத்து மற்றும் பொறியாளர்களும், உண்மையில், தானோட்டிக் கார் என்றால் என்னவென்று அழகாகப் பட்டியலிட்டுள்ளார்கள்.

நன்றி: Scientific American, June 2016

Society of Automobile Engineers (SAE) என்ற அமைப்பு, சில ஆண்டுகளுக்கு முன், இதை முன் வைத்தது. வழக்கம் போல, அமெரிக்க அமைப்பான National Highway Traffic Safety Administration (NHTSA) சற்று, இதை மாற்றி, SAE –யின் 6 அடுக்குகளுக்குப் பதில் 5 அடுக்குகளை முன் வைத்துள்ளது. உலகின் பல நாடுகளும் SAE முறையை அங்கீகரித்துள்ளதால், அதோடு, இரண்டிற்கும் அதிக வித்தியாசம் இல்லாததால், அரசாங்க சச்சரவிற்குள் சிக்காமல், நாம் SAE முறையை இங்கு விளக்குவோம்.

  • முதல் மூன்று அடுக்குகளிலும், மனித ஓட்டுனர் முழுப் பொறுப்பில் இருக்கிறார். அவ்வப்பொழுது சில சமயங்களில் (Cruise control, lane assist) தானியக்கம் நிகழும். சுற்று வட்டாரத்தில் நிகழும் அனைத்து விஷயங்களையும் மனித ஓட்டுனர் கவனிக்க வேண்டும். இதைப் பற்றி, காருக்குத் தெரியாது. இன்றைய பெரும்பாலான கார்கள், இந்த வகையில் அடங்கும்.
  • நான்காம் அடுக்கில், ஒரு முக்கியமான பொறுப்பு மனிதனிடமிருந்து எந்திரத்திற்கு மாறுகிறது. சுற்று வட்டாரத்தைக் கண்காணிப்பது (அதாவது, எந்தப் பக்கத்தில் இன்னொரு கார் வருகிறது, அருகே உள்ள சிக்னலில் சிவப்பா, பச்சையா, திரும்புவதற்கு முன், பாதசாரி உள்ளாரா போன்ற விஷயங்கள்) என்பதை எந்திரம் செய்கிறது. சில சமயம், எந்திரம் தடுமாறும் பொழுது, மனிதரால் கட்டுப்பாட்டை எடுத்துக் கொள்ள முடியும். இன்றைய டெஸ்லாக்கள் இதைச் செய்கின்றன. இவற்றிற்குச் சுற்று வட்டாரத்தைக் கண்காணிக்கப் பல உணர்விகள் மற்றும் கணினி உள்ளது.
  • ஐந்தாம் அடுக்கில், பெரும்பாலும் எந்திரம் கார் ஓட்டுகிறது. ஆனாலும், சில குறிப்பிட்ட தருணங்களில் மட்டும் எந்திரமே மனித உதவியை நாடும்
  • ஆறாம் அடுக்கில், மனித ஓட்டுனரே தேவையில்லை. ஏன், மனிதர்களுக்கு பரிச்சயமான accelerator, brake, steering எதுவுமே இவ்வகைக் கார்களில் கிடையாது. மனிதர்கள் வெறும் பயணிகள். கூகிளின் கார்கள் இந்த வகையைச் சேர்ந்தவை. சட்டம் இன்னும் இவ்வகைக் கார்களை அனுமதிக்காததால், கூகிள் தொழிலாளி ஒருவர் எப்பொழுதும் இவ்வகைக் கார்களில் ஓட்டுனராகப் பயணிக்கிறார்

 

மிகவும் மதிநுட்பமான தொழில்நுட்பம் இவ்வகைக் கார்களின் பின்னால் இயங்குகின்றது. வளர்ந்து வரும் இந்தத் தொழில்நுட்பத்தை, அடுத்த சில பகுதிகளில் விரிவாகப் பார்ப்போம்

சொல்வனம் – மார்ச் 2017

தானோட்டிக் கார்கள் – தானியக்க வரலாறு – பகுதி 3

திடீரென்று தானோட்டிக் கார்கள் ஒன்றும் முளைத்து விடவில்லை. பல திரைப்படங்கள் மற்றும் விஞ்ஞானக் கதைகள் இவற்றைப் பற்றிக் கடந்த 60 ஆண்டுகளாகக் கற்பனை செய்து வந்துள்ளன. ஹாலிவுட் திரைப்படமான ஸ்பீல்பர்கின் Back to the Future, Minority Report (2002) திரைப்படங்களில், கார் தானே செலுத்திக் கொள்ளும். அதே போல, Total Recall (1990), Demolition Man, I Robot (2004), The Car (1967)  போன்ற ஹாலிவுட் திரைப்படங்களும் தானோட்டிக் கார்களை நல்லனவாகவும், கொடுமை எந்திரங்களாகவும் கற்பனை செய்து பொது மக்களின் சிந்தனையைச் செதுக்கியுள்ளன.  இந்தக் கட்டுரை சினிமாவைப் பற்றியது அல்ல – எப்படி, படிப்படியாக கார்களில் தானியக்கம் தோன்றியது என்பதைப் புரிந்து கொள்வதைப் பற்றியது.

நிஜ வாழ்க்கையில், சினிமா போல எல்லாம் உடனே நடக்கும் விஷயமல்ல. படிப்படியாக கார் தயாரிப்பாளர்கள் சின்ன சின்ன முன்னேற்றங்களை, கடந்த 60 ஆண்டுகளாகச் செய்து வந்துள்ளார்கள். முக்கியமாக, இதில் கவனிக்க வேண்டிய விஷயம் என்னவென்றால், கார் தயாரிப்பாளர்கள், புதிய அம்சங்களை எல்லா கார்களிலும் புகுத்துவதில்லை. அதிக விலை விற்கும் மாடல்களில் முதலில் புகுத்தி விட்டு, சில வருடங்களுக்குப் பிறகு, சாதாரணக் கார்களில் இந்த அம்சங்களைக் கொண்டு வருவார்கள். கார் தொழிலைப் பின்னோக்கிப் பார்க்கையில் ஒரு முக்கிய வரலாற்றுப் புள்ளி விவரம்;

எந்த ஒரு பாதுகாப்பு முன்னேற்றமும் ஒரு கார் நிறுவனத்தின் உயர் மதிப்புள்ள மாடலிலிருந்து சாதாரண மாடலைச் சென்றடைய 30 ஆண்டுகள் பிடித்துள்ளது.

முதலில், கடந்த 100 ஆண்டுகளில், பொதுவாகத் தானியக்கம் எப்படி அறிமுகப்படுத்தப்பட்டது என்று பார்ப்போம்:

 

1960 –க்குப் பிறகே கார் சம்பந்தப்பட்ட தானியக்கம் தொடங்கியது. 1980 –களில் நுண்கணினிப் புரட்சி (microcomputer/chip revolution) கார்களை உடனே பாதிக்கவில்லை என்றுதான் சொல்ல வேண்டும்.

பொதுவாக, கார்களில், தானியக்கம் என்பது முதலில் ஓட்டுனருக்கு உதவி புரியும் ஒரு பாதுகாப்பு அம்சமாகவே அறிமுகப்படுத்தப்பட்டன.

கீழே உள்ள பட்டியல், இவ்வகை முக்கிய அறிமுகங்கள்;

அறிமுக ஆண்டு புதிய பாதுகாப்பு அம்சம்
1903 கண்ணாடி நீர் துடைப்பான் (windshield wiper) அறிமுகம். இதற்கு முன், மழை வந்தால் கார் ஓட்ட மாட்டார்கள்!
1911 முதல் மின் கார் துவக்கம் – ignition. அதுவரை, ஒரு சுழற்றி மூலமே (crank) காரை உயிரூட்ட முடியும்
1914 திருப்பு குறிகாட்டி (turn indicators) அறிமுகம். அதுவரை, சைக்கிள் ஓட்டுபவரைப் போல, கை காட்டியே திரும்பினார்கள்
1926 பாதுகாப்பு கண்ணாடி (shatter proof glass) கார்களில் பொருத்தப்பட்டது. இதற்கு முன் கார்களில் கண்ணாடி விபத்தில் சுக்கு நூறாகிப் பயணிகள் மற்றும் ஓட்டுனரைக் காயப்படுத்தி வந்தது
1928 நாம் இன்று எல்லா கார்களில் எதிர்பார்க்கும் கியர் பாக்ஸ் அறிமுகம் (synchromesh transmission by Cadillac)
1930 கார்களில் ரேடியோ அறிமுகப் படுத்தப்பட்டது. இவை வால்வ் ரேடியோக்கள். இன்றும் வட அமெரிக்காவில், காரின் ஸ்டீரியோவை, ரேடியோ என்று அழைப்பவர்கள் இருக்கத்தான் செய்கிறார்கள்
1934 பயணம் கரடு முரடாக இல்லாமலிருப்பதற்கு, உலோக சுருள் (coil spring suspension) அறிமுகப்படுத்தப்பட்டது
1946 முதல் கார் தொலைப்பேசி அறிமுகப்படுத்தப்பட்டது. இவர் ராட்சசத் தனமாக இருந்ததை யாரும் பொருட்படுத்தவில்லை
1947 டியூப் இல்லாத டயர்கள் அறிமுகப் படுத்தப்பட்டது. இன்று radial tires  என்பதை எல்லோரும் எதிர்பார்க்கிறோம்
1948 கியர் அற்ற கார்கள் அறிமுகம் செய்யப்பட்டது (automatic transmission by Buick). இன்று பெரும்பாலும், வட அமெரிக்காவில் கியர் அற்ற கார்களே விற்கின்றன
1956 ஸ்டியரிங் ஒடிப்பது என்பது இந்திய லாரி டிரைவர்கள் சொல்லும் கைமுறை. மோட்டார் உதவியுடன் ஸ்டியரிங் எளிதாக்கப்பட்ட (power steering) ஆண்டு
1958 வேக சுயக்கட்டுப்பாடு அல்லது Cruise control கண்டுபிடிக்கப்பட்டது. ஓட்டுனர் ஒரு வேகத்தை செட் செய்தால், கார் அதே சீரான வேகத்தில் செல்லும் ஒரு வசதி. மிகப் பெரிய தானியக்க முன்னேற்றம் இது. இந்த வசதியால், வெறும் ஸ்டியரிங்/பிரேக் மட்டுமே ஓட்டுனர் கவனமாக இருக்க வேண்டும்.
1959 இருக்கை வார் வோல்வோ நிறுவனத்தால் கண்டுபிடிக்கப்பட்டது
1971 ஓடும் காரை எளிதாக நிறுத்த, antilock braking அம்சம் அறிமுகப்படுத்தப்பட்டது
1973 காற்றுப்பை (air bag) அறிமுகப்படுத்தப்பட்டது
1982 மின்னணு எரிபொருள் உட்செலுத்தல் (electronic fuel injection) அறிமுகம்
1983 மின்னணு உறுதிநிலைக் கட்டுப்பாடு (electronic stability control)  அறிமுகம். இந்த அம்சத்தினால், ஒடும் கார் வழுக்கினால், கார் ப்ரேக்கை தானாகவே செலுத்தி காரை நிறுத்த உதவி செய்யும்
1996 கார்களின் பிரச்னைகளைக் கணினி மூலம் குறிகளாய் (diagnostic codes) வெளிப்படுத்தும் முறை அறிமுகம்
2001 கார்களில் புளூடூத் மூலம் செல்பேசித் தொடர்பு அறிமுகம்
2003 மோதல் தவிர்ப்பு முறைகள் (collision avoidance systems)  அறிமுகம்
2008 கார்களில் WiFi அறிமுகம்
2014 டெஸ்லாவின் மாடல்-S மின் கார் 426 கி.மீ. ஒரே மின்னேற்றத்தில் பயணம்
2016 தானோட்டிக் கார்கள் பற்றிய பூச்சாண்டி காட்டல் ☺

இப்படி, பல முன்னேற்றங்கள், கடந்த 100 ஆண்டுகளாக அறிமுகமாகிக் கொண்டுதான் இருந்துள்ளது. ஆனால், சில புதிய பாதுகாப்பு அம்சங்கள், எப்படியோ தானியக்கம் என்று தவறாக நம்முன் தம்பட்டம் அடிக்கப்பட்டன.

  1. காரை நிறுத்தும் உதவி அம்சம் (park assist): நம்மில் பலருக்கு காரை நிறுத்துவது அலுப்பு அல்லது சரியாக வருவதில்லை. காரை நிறுத்த முற்பட்டு இந்த அம்சத்தை முடுக்கிவிட்டால், காமிரா உதவி கொண்டு கார் தானாகப் பின்நோக்கிச் சென்று அழகாக நிற்கும். இதற்கு இரு தேவைகள் – ஒன்று, நிற்குமிடம், சரியாகக் கோடிடப்பட வேண்டும்; இரண்டு, சரியாக அளப்பதற்காக பக்கத்தில் இன்னொரு கார் இருக்க வேண்டும்
  2. வரைபாதையிலிருந்து சறுக்கு எச்சரிக்கை அம்சம் (lane departure warning). நாளெல்லாம்  வேலை செய்த அல்லது கார் ஓட்டிய களைப்பில், கவனக் குறைவினால், கார் அடுத்த வரைபாதைக்குச் சறுக்கும் பொழுது காமிரா கொண்டு, இந்த அம்சம் எச்சரிக்கிறது. அத்தோடு, சில மாடல்களில், தானாகவே, காமிரா உதவியுடன் உங்களது வரைபாதைக்கு காரை கொண்டு வருகிறது.
  3. சாலையில் சூழலுக்கேற்ப வாகனத்தில் வேகத்தைக் கட்டுப்படுத்தும் அம்சம் (adaptive cruise control). மற்ற வாகனங்கள் 60 கி.மீ.வேகத்தில் பயணம் செய்தால், உங்களது வாகனமும் அதே வேகத்தில் பயணிக்க வேண்டும். அத்துடன், உங்களது வாகனத்திற்கும் அதற்கு முன்னிருக்கும் வாகனத்திற்கும் பாதுகாப்பான இடைவெளி இருந்தால்தான் விபத்து நேராமல் இருக்கும். இதைப், பயிற்சியில் அனைவரும் பயில்கிறோம். ஆனால், நடைமுறையில் முன்னிருக்கும் வாகனத்திற்கும் நாம் ஓட்டும் வாகனத்திற்கும் 1 அடி கூட இருப்பதில்லை. இந்த அம்சம் இவ்வாறு நேர விடாமல் பார்த்துக் கொள்ளும்
  4. வெற்றுப் புள்ளி தவிற்பு அம்சம் (active blind spot assist) : வரைபாதை மாற்றும் பொழுது, திருப்புக் குறிகாட்டியைப் பயன்படுத்தினாலும், மிக அருகாமையில் வரும் பக்கத்து வரைபாதை வண்டி ஓட்டுனருக்குத் தெரியாது. இதைப் பார்வையில் வெற்றுப் புள்ளி போன்றது. இன்றைய கார்கள், ராடார் கொண்டு, அருகில் வாகனங்கள் இருந்து, வரைபாதை மாற்றப் பார்த்தால், எச்சரிப்பதோடு நிற்காமல், தேவைப்பட்டால், சரியான நேரத்தில் ப்ரேக்கைப் பயன்படுத்தி விபத்தையும் தவிர்க்கும் சக்தி வாய்ந்தவை

இதுபோன்ற அம்சங்களை வைத்து, ஊடகங்களும், மக்களும் பல வகைக் கற்பனைகளை வளர்த்து வந்துள்ளார்கள். குறிப்பாக;

  • இப்படியே போனால், இன்னும் 2 வருடத்தில் தானோட்டிக் கார்கள் வந்துவிடும்
  • இப்பொழுதே பல தானோட்டி விஷயங்களை கார்கள் செய்கின்றதே – அடுத்த கட்டம், அதாவது முழுத் தானோட்டிக் கார், வெகு நெருக்கம்தான்
  • இது போன்ற அம்சங்கள் வெறும் முன்னோடிதான். கார் கம்பெனிகள் சும்மா ஆழம் பார்க்கின்றன. இவர்கள் ஏற்கனவே தானோட்டிக் கார்களைத் தயாரித்து வைத்துள்ளார்கள்

முதலில், இவை அத்தனையும் வெறும் கட்டுக்கதை. அவ்வளவு அருகாமையில் தானோட்டிக் கார்களின் சாத்தியம் இல்லை. இந்தக் குழப்பத்திற்குக், சரியாக, இதன் பின்னணியையும் தொழில்நுட்பத்தையும் புரிந்து கொள்ளாததே முக்கியக் காரணம் (இதில் ஊடகங்களும் அடங்கும்). இதைச் சரியாகப் புரிந்து கொள்வதற்கு, தானோட்டிக் கார்களின் சமீப வரலாறு முக்கியம்.

சமீப தானோட்டிக் கார் சரித்திரம்

டார்பா (DARPA – Defense Advanced Research Project Agency)  என்ற அமைப்பு, பல தொழில்நுட்ப முன்னேற்றங்களுக்கு வழி வகுத்துள்ள ஒரு அமெரிக்க ராணுவ அமைப்பு. குறிப்பாக, நுண்செயலிகள், இதர்னெட், இணையம் செயல்படும் IP போன்ற இன்றைய முக்கியத் தொழில்நுட்பங்கள், இந்த அமைப்பு உருவாக்கியது. சிறு முன்னேற்றங்கள் என்று காலத்தைத் தள்ளி வந்த வாகன தொழிலைப் புரட்டிப் போடும் வகையில், இந்த அமைப்பு, 2004 –ஆம் ஆண்டு ஒரு சவாலை முன்வைத்தது. 150 மைல் (அல்லது 240 கி.மீ.) தொலைவை, ஓட்டுனர் இல்லாத கார்கள் தானாகவே கடக்க வேண்டும். அதிக நடமாட்டமில்லாத அமெரிக்க நிவேடா மாநிலத்தில் உள்ள மோஹாவி பாலைவனத்தில் நடைபெற்றது. எந்தப் போட்டியாளரும் 150 மைல்களைத் தாண்டவில்லை. 7 முதல் 8 மைல்களுக்கப்பால், பல வண்டிகள் ஏதோ ஒரு பிரச்னையில் சிக்கி செயலிழந்தன. இதில் போட்டியிட்ட குழுக்கள் பெரும்பாலும் பல்கலைக்கழகக் குழுக்கள்.

2005 –ஆம் ஆண்டு, மீண்டும் இதே போட்டி நடத்தப்பட்டது. இம்முறை போட்டியிட்ட 23 குழுக்கள், 2004 –ன் 7.32 மைல்களைக் கடந்து சென்றன. 5 குழுக்கள், 150 மைலையும் வெற்றிகரமாகத் தானியக்கத்தில் ஓட்டி முடிந்ததன. இதில் 3 குழுக்கள், கார்னகி மெலன் மற்றும் ஸ்டான்ஃபோர்டு பல்கலைக்கழகக் குழுக்கள். மனித சரித்திரத்தில், 150 மைல்கள் எந்த ஓட்டுனரும் இன்றி கடந்த முதல் 5 கார்கள் இவை. இத்தனைக்கும், இந்தப் பாதையில், அதிக இடது மற்றும் வலது திருப்பங்கள் மற்றும் மலைப் பிரதேச திருப்பங்களும் அடங்கும். இந்தக் குழுக்கள் பெரும்பாலும், சந்தையில் கிடைக்கும் கார்களுக்கு, பல உணர்விகள், காமிராக்கள் இணைத்து ஓட்டிக் காட்டின. இந்த முறை இன்று வரை தொடர்கிறது. கூகிள் ஒரு கார் தயாரிப்பாளர் அல்ல. கிடைக்கும் கார்களில், உணர்விகள் மற்றும் காமிராக்களைப் பொருத்தியே கூகிள் இன்றுவரை சோதனை செய்து வருகிறது.

 

அடுத்தக் கட்டமாக, டார்பா 2007 –ல் நகர்புற சூழ்நிலையில் அதே போட்டியை நிகழ்த்தியது. இம்முறை, வட அமெரிக்க நகரங்களில் இருப்பதைப் போல, வரை பாதைகள், சிக்னல்கள், பாதசாரி கடக்குமிடங்கள் (zebra crossings) , மற்றும் 3-வழி, 4-வழி நிறுத்தங்கள் என்று ஒரு பழைய விமானப் படை தளத்தை மாற்றி, பயணிக்கும் படி சவால் விட்டது. ஆறு மணி நேரத்தில், 60 மைல்களைக் கடக்க (96 கி.மீ.) வேண்டும் என்பதும் சவாலில் அடக்கம். வெற்றி பெற்ற குழுவிற்கு 2 மில்லியன் டாலர்கள் பரிசு.

இம்முறையும் பல பல்கலைக்கழகப் போட்டியாளர்கள், வாகனத் தயாரிப்பாளர்களுடன் கைகோர்த்துப் போட்டியிட்டார்கள். முதல் 3 குழுக்கள், 5 மணி நேரத்திற்குள் வெற்றிகரமாக இந்தப் போட்டியின் 60 மைல்களைத் தடைகள் எதுவுமின்றி முடித்தார்கள். கார்னகி மெலன், ஸ்டார்ஃபோர்டு மற்றும் வர்ஜினியா டெக் பல்கலைக்கழகங்கள் முதல் மூன்று இடத்தில் இடம்பெற்றன. MIT, UPenn, Cornell  அடுத்த மூன்று பல்கலைக்கழகங்கள். சில முக்கிய விஷயங்கள், இந்தப் போட்டியின் தன்மையைப் புரிந்து கொள்வதில் உள்ளது.

  1. அறுபது மைகளில் இந்த வாகனங்கள், சந்தித்த மற்ற வாகனங்கள், பெரும்பாலும், இவற்றைப் போன்ற போட்டி வாகனங்கள். மனித ஓட்டுனர்கள் உள்ள வாகனங்கள் அல்ல
  2. நெடுந்தூரம் செல்வது இந்தப் போட்டியின் அடிப்படை அல்ல. அது ஒரு நெடுஞ்சாலைப் போட்டியாகிவிடும். இதில் மிக முக்கியச் சவால், எந்த ஒரு போட்டி வாகனத்தின் மீதும் மோதக் கூடாது
  3. சரியாக 3-வழி, 4-வழி நிறுத்தங்களில் வரை கோட்டிற்கு முன்னால் நிற்பதுடன், முதலில் சந்திப்பிற்கு வந்த வாகனத்திற்கு வழி விட வேண்டும். சந்திப்பில் எந்த வாகனமும் இல்லாத தருணத்தில் கிளம்ப வேண்டும்
  4. சிக்னல்களில் ஆரஞ்சு வந்தவுடன் நகரக் கூடாது. சிகப்பு வந்தால் நிற்க வேண்டும். பச்சை நிற சிக்னலில் நேராகப் போவது பெரிய விஷயமல்ல. தானோட்டிக் கார்கள், சில சமயம் வலதுத் திசையில் திரும்பவும் வேண்டும்

இவ்வாறு, இத்தனை முடிவுகளை உடனுக்குடன் செய்யக் கணினி மென்பொருள் மிகவும் முன்னேற்றம் அடைய வேண்டும். உணர்விகள், காமிராக்கள் மற்றும் ரேடார்கள் பொருத்துவது என்பது அவ்வளவு சவாலல்ல. நொடிப் பொழுதில் முடிவெடுக்கும் மென்பொருள் மிகப் பெரிய சவால்.

முதலில் யூபர், கார்னகி மெலன் பல்கலைக்கழக ஆராய்ச்சியாளர்களைத் தன்னுடைய ஆராய்ச்சிக்காக அணுகியதைப் பற்றிச் சொல்லியிருந்தோம். கூகிளிற்கும் ஸ்டான்ஃபோர்டு பல்கலைக்கழகத்திற்கும் ஏராளமான சம்பந்தமுண்டு. 2007 –ன் வெற்றி பெற்ற ஆராய்ச்சியாளர்கள், இன்று தானோட்டிக் கார்கள் முன்னேற மிகவும் உழைப்பவர்கள், கூகிள், இந்த ஆராய்ச்சியாளர்களுடன் தொடங்கிய கூகிள் கார் ப்ராஜக்ட் இன்று 1 மில்லியன் மைல்களைக் கடந்து சோதித்து வருகிறது.

இந்த ஆராய்ச்சிப் பின்னணி இந்தத் துறையைப் புரிந்து கொள்ள மிகவும் முக்கியம். ஆரம்பத்திலிருந்தே, அரசாங்கம், வாகன நிறுவனங்கள், பல்கலைக்கழக ஆராய்ச்சியாளர்கள் இதில் பங்கேற்றதால், மாநில அரசுகள் இன்று பொதுச் சாலைகளில் தானோட்டிக் கார்களின் சோதனை ஓட்டத்தை அனுமதிக்கின்றன.

2014 –ல், கூகிள், ஸ்டீயரிங் இல்லாத ஒரு தானோட்டிக் காரை அறிமுகப்படுத்தியது. வழக்கமாகச் சந்தையிலிருந்து வாங்கிய கார் அல்ல இது. முழுவதும் ஓட்டுனரே இல்லாத காரை வடிவமைத்து அறிமுகப்படுத்தினார்கள். 1 மில்லியன் மைல்கள் இத்தகைய கூகிள் கார்கள் பல அமெரிக்க மாநிலங்களில் பயணம் செய்து, பயண அனுபவத்தைக் கொண்டு, மென்பொருளை கூகிள் மெருகூட்டி வருகிறது.

தமிழ்ப் பரிந்துரை

தமிழ்ச் சொற்கள் எல்லோருக்கும் புரிய வேண்டும் என்று சில ஆங்கிலச் சொற்களை கட்டுரையில் பயன்படுத்தியுள்ளேன். கார் சம்பந்தமான பல தொழில்நுட்பச் சொற்கள் தமிழில் அதிகம் புழக்கத்தில் இல்லை. உதாரணம், ஆக்ஸிலரேட்டர் மற்றும் ப்ரேக். இதை தமிழில் மொழிபெயர்த்தால், நம்மில் பலருக்கும் புரியாது. இதனால், இது போன்ற வழக்குச் சொற்களை அப்படியே பயன்படுத்தியுள்ளேன். சில புதிய சொற்களுக்கு நிகரான சில தமிழ்ச் சொற்களை இங்கு பரிசீலனைக்கென முன்வைக்கிறேன்

ஆங்கிலச் சொல் தமிழ்ப் பரிந்துரை
Microcomputer/chip revolution நுண்கணினிப் புரட்சி
Windshield wiper கண்ணாடி நீர் துடைப்பான்
Electric ignition மின் கார் துவக்கம்
Turn indicator திருப்பு குறிகாட்டி
Cruise control வேக சுயக்கட்டுப்பாடு
Electronic fuel injection மின்னணு எரிபொருள் உட்செலுத்தல்
Car diagnostic codes கார் ப்ரச்னை குறிகைகள்
Collision avoidance systems மோதல் தவிர்ப்பு முறைகள்

சொல்வனம் – ஃபெப்ரவரி 2017

மனிதர் ஓட்டாத கார்களில் பயணிக்க நாம் தயாரா? – பகுதி 2

முரளி, காரில் தன் மனைவி செல்வியுடன் பயணிக்கும் பொழுது நடக்கும் உரையாடல்:

செ: பின்னாடி காரை எடுக்கும் பொழுது ஜாக்கிரதையாக எடுங்க.

மு: பின்ன எப்படி எடுக்கறேனாம்? முப்பது வருஷம் கார் ஓட்டினாலும் இதே பல்லவிதான்.

செ: பார்த்துங்க…ப்ளாட்ஃபார்ம் மேலயே ஏத்திடுவீங்களோன்னு பயந்திட்டேன்.

மு: ஓட்டற எனக்குத் தெரியாதா?

***

செ:என்னங்க, வேக எல்லையைத் தாண்டி ஓட்டறீங்க. ஸ்பீடோமீட்டரைப் பார்க்கறதே இல்லையா? 50 கி.மீ. லிமிட்ல 60 –ல போறீங்க. யார் அபராதம் அழுவது?

மு: லிமிட்டுக்கு மேல ஒரு 10 கி.மீ. ஓட்டினால் ஒன்னும் அபராதம் போட மாட்டாங்க

செ: லேன் மாத்தறபோது இன்டிகேட்டர் போடறதில்ல? அப்புறம் மோதிப் பிரச்னையாகிவிடும்.

மு:எல்லாம் போட்டேன். சத்தம் கேட்கல போல. எனக்கு வாழ்நாள் பூராவும் டிரைவிங் இன்ஸ்பெக்டரோட பயணம் செய்ய வேண்டிய தலைவிதி.

செ: எல்லாம் உங்க நல்லதுக்குத்தான சொல்றேன்…

~oOo~

 

2025 –ல் அதே முரளி, செல்விக்காக ஒரு ரோபோ டாக்ஸியை (தானோட்டிக் கார்) அழைக்கிறான். அழைக்கும் பொழுது எல்லாவற்றையும் சொல் – Verbose  என்ற சேவையையும் சேர்த்துக் கொண்டான். இதனால், கார் தன்னுடைய ஒவ்வொரு முக்கிய முடிவையையும் அறிவிக்கும்.

கார்: ப்ளாட்ஃபார்மிலிருந்து 137 செ.மீ. தொலைவில் நிறுத்தப்பட்டது. நிறுத்தும் கோட்டிற்கு இன்னும் 32 செ.மீ. உள்ளது. நிறுத்தும் குறியில் (stop sign) 47 வினாடிகள் நிறுத்தப்பட்டது.

செ:அய்யோ கொல்றியே. ப்ளாட்ஃபார்ம் பக்கத்துல போயி புள்ளி விவரம் வேற.

கார்: நான்கு வழி நிறுத்தத்தில், (four way stop) சந்திப்பில் எந்த வாகனமும் இல்லாத 15 நொடிகளுக்குப் பிறகு கிளம்பி, திடீரென்று கிழக்கிலிருந்து வந்த வாகனத்தைத் தவிர்க்க, 30 அடி வாகன இடை தூரத்தில் வாகனத்தை நிறுத்தி, குறுக்கே வந்த கார் சென்றதும், 15 நொடிகளில் கடக்கப்பட்டது.

செ: அய்ய, இதுக்கு என் புருசனே மேல். பாதி தூரம் போய் நிறுத்தி, எல்லாரும் ஹாரன் அடிச்சு களேபரம் தான். புள்ளி விவரத்தைக் குப்பையில் போட.

கார்: இடது வரைபாதையில் உள்ள  மணிக்கு 67 கி,மீ. வேகத்தில் பயணிக்கும் நீல வாகனத்தை மணிக்கு 75 கி,மீ. வேகத்தில், 150 மீட்டர் இடைவெளியில், முந்தப்பட்டது.

செ: என்னமோ உலகத்துல யாருமே முந்திகிட்டு போனதே இல்லையாக்கும். பெரிய சாதனை போ

கார்: பள்ளிப் பகுதியாதலால், இன்னும் 1 கி.மீ. 30 கி.மீ. வேகத்தில் பயணிப்போம்

செ: கிழிஞ்சுது போ. நான் போய் சேர்ந்தா மாதிரிதான்

கார்: இதுவரை 12.6 கி.மீ., 23 நிமிடத்தில் பயணித்திருக்கிறீர்கள்

செ: இது ஒண்ணுதான் குறைச்சல். யாருக்கு வேணும் இந்த விவரம். இன்னும் போய்ச் சேர எத்தனை நேரமாகும்?

கார்: எனது கணிப்பில், போக்குரத்து நெரிசலைப் பொறுத்து, இன்னும் 13 முதல் 16 நிமிடத்தில் போய்ச் சேர்ந்து விடலாம்.

வீட்டிற்கு வந்த செல்வியிடம் முரளி, ரோபோ டாக்ஸி அனுபவம் பற்றி கேட்டான்.

“ஒரே புள்ளிவிவர போர். உங்களப் போல ஒழுங்காக எதுவும் செய்யறதில்லை”

வாழ்க ரோபோ டாக்ஸி.

~oOo~

பயணித்தல் பற்றிய நம்முடைய புரிதல், அணுகுமுறை மற்றும் அனுபவம் எல்லாம் ஒருவரிமிருந்து இன்னொருவருக்குப் பெரிதாக மாறுபடும். உதாரணத்திற்கு, மிக அதிக வேகம் என்று ஒருவருக்குத் தோன்றுவது இன்னொருவருக்கு ஆமை வேகமாகத் தோன்றலாம். கார் ஓட்டுதலும் அப்படியே. அத்துடன் கார் ஓட்டுவது என்பது நம்மில் பலருக்கு ஒரு திறனாக ஆரம்பித்து, பழக்கமாக மாறும் பொழுதுதான் பிரச்னை. பல நல்ல/கெட்ட வாகன ஓட்டுதல் விஷயங்களை நம்மை அறியாமலே செய்கிறோம். உலகில் எந்த ஒர் அனுபவமுள்ள மனித கார் ஓட்டுனருக்கும் தன்னுடைய பழக்கத்தை முழுவது விவரிப்பது என்பது இயலாத காரியம். இந்த லட்சணத்தில், நாம் எந்திரங்களுக்கு ஓட்டுதல் பற்றி எப்படிச் சொல்லிக் கொடுப்பது? நல்ல வேளையாக, வளரும் தொழில்நுட்பம், மற்றும் வாகன ஓட்டுதல் பற்றிய தெளிவான செய்முறை விளக்கங்கள் யாவும் இருப்பதால், பொறியாளர்கள் இந்த முயற்சியில் பெரும் வெற்றிகளைப் பார்த்து வருகிறார்கள். எல்லாம் உடனே ரெடி என்ற அர்த்தமில்லை. இத்துறை வேகமாக முன்னேறி வருகிறது.

பல பில்லியன் டாலர்கள் இந்தத் துறையில் இன்று முதலீடு செய்யப்படுகிறது. ’கருவிகளின் இணையம்’ என்ற தொடரில் சொல்லியிருந்த முதலீட்டை விட பன் மடங்கு பெரிது இந்த முதலீடு. கார் தயாரிப்பு, கார் உதிரி பாக, தொழில்நுட்ப, இணைய வாடகைக் கார், பெரிய வாகனத் தொகுதி நிறுவனங்கள் என்று பல தரத்தினரும் இந்தத் துறையில், பெரிய புரட்சியில் லாபம் பார்க்க பெரிய முதலீடுகள் மற்றும் சின்ன பிரத்யேக தொழில்நுட்ப நிறுவனங்களை வாங்குவது என்று ஒரு முதலீட்டுத் திருவிழாவே நடந்து வருகிறது.

 

  1. கூகிள் நிறுவனம், தன்னுடைய தானோட்டிக் கார்கள் இதுவரை 1 மில்லியன் மைல்கள் பொதுச் சாலைகளில் பயணம் செய்துள்ளதாக அறிவித்துள்ளது. இந்தக் கார்கள், இதுவரை 17 சின்ன விபத்துக்களில் கடந்த 7 ஆண்டுகளில் சிக்கியுள்ளன. பெரும்பாலும் இவற்றுடன் இந்த விபத்தில் தவறுகள் மனிதர்கள் ஓட்டும் மற்ற கார்களால்தான் என்பது முக்கியமான விஷயம்
  2. 2015 –ல், ஊபர் (Uber) கம்பெனி, பிட்ஸ்பர்க்கில் உள்ள, கார்னகி மெல்லன் பல்கலைக் கழகத்தில் ஆராய்ச்சி செய்து வரும் உலகப் புகழ் பெற்ற ரோபாடிக்ஸ் விஞ்ஞானிகளைத் தன்னுடைய நிறுவனத்தில் வேலை செய்ய மிக அதிகச் சம்பளத்திற்கு அமர்த்தியது
  3. ஊபரின் போட்டி நிறுவனமான லிஃப்ட் (Lyft) என்ற நிறுவனத்தை 500 மில்லியன் டாலருக்கு ஜி.எம். வாங்கியது
  4. தானோட்டிக் கார்களின் தொழில்நுட்பத் துறையில் சிறந்து விளங்கும் Cruise Automation  என்ற நிறுவனத்தை, ஜி.எம். 1 பில்லியன் டாலர்களை செலவழித்து வாங்கியது
  5. ஃபோர்டு நிறுவனம் கூகிளுடன் கைகோர்த்து தன்னுடைய தானோட்டிக் கார்கள் வெளிவரும் என்று அறிவித்தது
  6. கூகிளின் ஆண்ட்ராய்டு திறன்பேசிகளைத் தயாரிக்கும் சாம்சங்கைப் போல, மூன்றாவது பெரிய அமெரிக்க கார் நிறுவனமான க்ரைஸ்லரும் கூகிளின் கார்களைத் தயாரிக்கும் என்று நம்பப்படுகிறது
  7. தனித்து இயங்கும் அமெரிக்க மின்கார் நிறுவனமான டெஸ்லா, மற்ற கார் நிறுவனங்கள் போல் அல்லாமல், தானே கார் தயாரிப்பு, கணினி மென்பொருள், மற்றும் தானோட்டி காருக்கான உணர்விகள் ஒருங்கிணைத்தல் எல்லாவற்றையும் மின் காரில் செய்து பெட்ரோல் கார் நிறுவனங்களுக்கு முன் வெளியிடும் என்று சொல்லி வருகிறது
  8. யூரோப்பில், குறிப்பாக ஜெர்மெனியில், ஃபோக்ஸ்வாகன் (VW), பென்ஸ், பி.எம்.டபிள்யு. நிறுவனங்கள் கோதாவில் இறங்கியுள்ளன
  9. ஜப்பானின் நிஸ்ஸான், டொயோடா மற்றும் ஹோண்டா நிறுவனங்கள் சற்று மதில் மேல் பூனை போலப் பார்த்துக் கொண்டிருக்கின்றன
  10. இஸ்ரேலைச் சேர்ந்த Mobileye மற்றும் Autotalks போன்ற நிறுவனங்கள் பல தானோட்டி கார் நிறுவனங்களுக்குத்  தொழில்நுட்பம் வழங்கி வருகின்றன
  11. கார் தயாரிப்பாளர்களுக்கு உதிரி பாகங்கள் செய்யும் நிறுவனங்களான Delphi மற்றும் Continental  போன்ற நிறுவனங்கள், எப்படி உணர்விகளைக் கார்களுக்கான கரடு முரடுப் பயன்பாட்டிற்காகத் தயாரிப்பது என்பதில் பல மில்லியன் டாலர்களை செலவு செய்கின்றன
  12. இறுதியாக, கணினி தொழிலில் பிரபலமான Cisco (இணைய ரெளடர்கள் மற்றும் வலையமைப்பு வன்பொருள்) மற்றும் NVidia (கணினி விளையாட்டுச் செயலிகள்) தானோட்டிக் கார்களுக்கான மைய செயலிகளை தயாரிப்பதற்காக பல மில்லியன் டாலர்களை முதலீடு செய்துள்ளார்கள்

காப்பீடு நிறுவனங்கள், தானோட்டிக் கார் வந்தால் தங்களுடைய தொழில் என்னவாகும் என்று கவலையில், பல புதிய அணுகுமுறைகளையும் முன் வைத்து வருகிறார்கள்.

அரசாங்கங்கள் பொதுவாக, வரும்போது பார்த்துக் கொள்ளலாம் என்று செயல்படும் அமைப்புகள். ஆனால், பல அமெரிக்க மாநிலங்கள், இவ்வகைக் கார் தயாரிப்பு தன்னுடைய மாநிலத்தில் நிகழ வேண்டும் என்பதால், அவசரமாக, தானோட்டிக் கார்களைப் பொது சாலைகளில் சோதிக்க முந்துகின்றன.

இந்தப் புரட்சியில் பெரும் தாக்கத்தைச் சந்திக்கப் போகும் மூன்று வகை அரசாங்க அமைப்புகள் 2016 –ல் வெறும் பேச்சளவில் மட்டுமே ஈடுபட்டுள்ளனர். இவர்களைக் குறை சொல்லிப் பயனில்லை. ஏனென்னில், இன்று இவ்வகைக் கார்கள் சாலையில் இல்லை – வெறும் சோதனையுடன் சரி.

  1. உள்ளூர் கார்பரேஷன் மற்றும் நகர அரசாங்கங்கள் – தானோட்டிக் கார்கள் பெருகினால், இந்த அரசாங்கங்களின் பெரும் வருமானமான நிறுத்துமிட வாடகை அடிபடும்
  2. வாகன உரிம அமைப்புகள் – தனியார் வாகனங்களைத் துறந்து ரோபோ டாக்ஸிக்கு மாறினால், உரிம வருமானம் அரசாங்கங்களுக்கு அடிபடும். வருடா வருடம், உரிமத் தட்டிற்கு (license plate) தனியார் தரும் வாடகைப் பணம் குறையத் தொடங்கும்
  3. போக்குவரத்து நெரிசலை சமாளிக்க சில வரைசாலைகளை கட்டணத்திற்கு விடும் அரசாங்க அமைப்புகள் வருமானம் இழக்கும், அல்லது குறையும். தானோட்டிக் கார்கள், போக்குவரத்து நெரிசலை வெகுவாகக் குறைக்கும் திறன் கொண்டவை
  4. நகர மையத்தில், தவறாக நிறுத்தி வைக்கப்பட்டுள்ள வாகனங்களுக்கு அபராதம் என்பது உள்ளூர் அரசாங்கங்களுக்கு லட்டு மாதிரி வருமானம் தரும் விஷயம். நகர மையத்தில் தானோட்டிக் கார்களே நிறுத்தாத பட்சத்தில், இந்த வருமானம் அடிபடும்

அரசாங்கங்கள் போல அதிகம் இதைப் பற்றி கவலைப்படாத இன்னும் சில அமைப்புகள் இருக்கத்தான் செய்கின்றன.

  1. வட அமெரிக்காவில், லட்சக்கணக்கான ராட்சச லாரிகள், சரக்குகளை பல்லாயிரம் கி.மீ. கடந்து, கப்பலிலிருந்து சூப்பர் மார்கெட் வரை கொண்டு சேர்க்கின்றன. கலிஃபோர்னியாவில் விளையும் காய்கள், பழங்கள், அமெரிக்கா, கனடா முழுவதும் இவ்வகை லாரிகள் பல நகரங்களுக்கு எடுத்துச் செல்கின்றன. இதனால், பல லட்சம் ஓட்டுனர்கள் வேலையில் இருக்கிறார்கள். ரோபோ லாரிகள் முழுவதும் வந்தால், இந்த வேலை வாய்ப்பு குறையும் அல்லது மறையும்
  2. வட அமெரிக்காவில் 1 மணி நேரம் முதல் 2 மணி நேரம் வரை விமானப் பயணம் என்பது சர்வ சாதாரணம். சில உதாரணங்கள்;
    • நியூயார்க் – வாஷிங்டன்
    • நியூயார்க் – பாஸ்டன்
    • நியூயார்க் – டொரோண்டோ
    • டொரோண்டோ – மாண்ட்ரீயல்
    • லாஸ் ஏஞ்சலஸ் – சான் ஃப்ரான்ஸிஸ்கோ
    • டல்லஸ் – ஹூஸ்டன்

இது ஒரு சின்ன சாம்பிள். பல நூறு இவ்வகை அடர்த்தியான விமான வழிகள் உள்ளன. இவை இல்லையேல், இன்று, பல விமான நிறுவனங்கள் படுத்திருக்கும். ரோபோ டாக்ஸி வந்தால், 1.5 மணி நேர விமானப் பயணத்திற்கு பதில், 6 மணி நேர ரோபோ டாக்ஸி எவ்வளவோ மேல். விமானப் பாதுகாப்புத் தொந்திரவுகள், விமான நிலயத்தில் நேர விரயம் எல்லாவற்றையும் பார்த்தால், 2 மணிக்கு குறைவான விமானப் பயணங்கள் பெரிதாக அடிபடும்.

ஒரு சந்தேகம் இக்கட்டுரையைப் படிப்போருக்கு எழலாம் – அட, இந்தத் தொழில்நுட்பம் இதோ இருக்கிறது, யாரும் அதிகம் கவலைப் படாதது போல இருக்கிறதே. வழக்கம் போலப் புதிய தொழில்நுட்பமாகிய தானோட்டிக் கார்களிலும் சிக்கல்கள் இருக்கத்தான் செய்கின்றன.

  1. கூகிள் 1 மில்லியன் கி.மீ. தானோட்டிக் கார்களைச் சோத்தித்தாலும், இன்னும் பல சிக்கல்கள் எஞ்சியுள்ளன. இதைப் பற்றி தொழில்நுட்பத்தை விரிவாக அலசும் பொழுது அலசுவோம். பயங்கர மழை மற்றும் அடர்த்தியான பனிப் பொழிவு வந்தால், தானோட்டிக் கார்கள் தடுமாறுகின்றன (மனிதர்கள் மட்டும் என்ன தடுமாறாமலா இருக்கிறார்கள்?)
  2. கணினியால் கட்டுப்படுத்தபடும் எந்திரம் என்றவுடன் பாதுகாப்புச் சிக்கல்கள் உடனே பூதாகாரமாகி விடுகின்றன. இணைய விஷமிகள் ஓடும் கார்களை (கருவிகளின் இணையம் தொடரில் க்ரைஸ்லர் ஜீப்பை எப்படி இணையம் மூலம் கடத்துகிறார்கள் என்று பார்த்தோம்). இந்த மிகப் பெரிய சவாலை தானோட்டிக் கார்கள் கடந்தால்தான் இவற்றிற்கு ஆதரவு கிடைக்கும்
  3. இன்னொரு மனிதர் காரோட்டுகிறார் என்பது ஒரு விஷயம். கண்ணுக்குத் தெரியாத கணினி ஒன்று காரோட்டுகிறது என்பது இன்னொரு விஷயம். இது அவ்வளவு எளிதாக நம்மால் ஏற்றுக் கொள்ள முடியுமா என்பது ஒரு கேள்விக்குறி
  4. நம்மில் பலருக்குக் காரோட்டம் பிடிக்கும். வட அமெரிக்காவில் பரந்த சாலைகளில் காரோட்டுவது ஓர் அருமையான அனுபவம். என்னதான் காப்பீடு, விபத்து அபாயம், கார் சார்ந்த செலவுகள் இருந்தாலும், கடந்த 100 ஆண்டுகளாக கார் மோகம் நம்மை விட்டு சற்றும் நீங்கவில்லை
  5. சமூகத்தில் கார் ஓர் அந்தஸ்தைக் குறிக்கிறது. ஒரு பென்ஸ், லெக்ஸஸ், ரோல்ஸ் அல்லது டெஸ்லா என்றவுடன் ஒருவருடைய அந்தஸ்தைக் காட்டுகிறது. கணினி செலுத்தும் காரில் அந்த அந்தஸ்து கிடைக்குமா என்பது ஒரு கேள்விக்குறி
  6. வட அமெரிக்கப் புறநகர் பகுதிகளில் உள்ள பெரும்பாலான வீடுகள் இரு/மூன்று கார்களை நிறுத்தும் கராஜுடன் கட்டப்படுபவை. தானோட்டிக் கார்கள் முழுவதும் வந்துவிட்டால், கராஜ்களை என்ன செய்வது?

அடுத்த பகுதியில், கார்களில் தானியக்கம் என்பது எவ்வாறு தோன்றி வளர்ந்து வந்துள்ளது என்று விரிவாகப் பார்க்கலாம்.

டெஸ்லாவின் தானோட்டி கார் செயல்முறை விளக்கம் – காரை வீட்டிலிருந்து எடுத்து அலுவலகத்தில் பயணியை இறக்கி விட்டு, நிறுத்துமிடம் தேடி தானே நிறுத்திக் கொள்கிறது;

தமிழ்ப் பரிந்துரை

தமிழ்ச் சொற்கள் எல்லோருக்கும் புரிய வேண்டும் என்று சில ஆங்கிலச் சொற்களை கட்டுரையில் பயன்படுத்தியுள்ளேன். கார் சம்பந்தமான பல தொழில்நுட்பச் சொற்கள் தமிழில் அதிகம் புழக்கத்தில் இல்லை. உதாரணம், ஆக்ஸிலரேட்டர் மற்றும் ப்ரேக். இதை தமிழில் மொழிபெயர்த்தால், நம்மில் பலருக்கும் புரியாது. இதனால், இது போன்ற வழக்குச் சொற்களை அப்படியே பயன்படுத்தியுள்ளேன். சில புதிய சொற்களுக்கு நிகரான சில தமிழ்ச் சொற்களை இங்கு பரிசீலனைக்கென முன்வைக்கிறேன்

ஆங்கிலச் சொல் தமிழ்ப் பரிந்துரை
Stop sign நிறுத்தும் குறி
Four way stop நான்கு வழி நிறுத்தம்

சொல்வனம் – ஜனவரி 2017

முடிவுரை – கருவிகளின் இணையம் – பகுதி 24

Internet-Of-Things2

கடந்த ஒரு வருடமாக இக்கட்டுரைத் தொடர் சொல்வனம் இதழில் வெளிவந்ததற்குப், பல புத்தகங்கள் மற்றும் இணையதளங்கள் ஆராய்ச்சிக்குப் பின்னணியாக இருந்தது. பல விஞ்ஞான மற்றும் தொழில்நுட்பக் கட்டுரைகள் எழுதியிருந்தாலும், மிகவும் புதிய தொழில்நுட்பமாக இருப்பதால், ஏராளமான குழப்பம் இத்துறைப் பற்றி எங்கும் வியாபித்திருந்தது, மிகவும் சவாலான ஒரு விஷயம். வியாபார செய்தி கலந்த விஷயத்திலிருந்து, உண்மையான  தொழில்நுட்பத்தைப் பிரித்து எடுப்பது.

இத்துறையில் வாய்ப்புகள் ஏராளம். ஓரளவிற்காவது இக்கட்டுரைத் தொடர், சில இளைஞர்களை விஷுவல் பேசிக், ஆரகிள் போன்ற அன்றாட தொழில்நுட்ப விஷயகளிலிருந்து, இத்துறையில் பிரகாசிக்க வேண்டும் என்ற ஆவலைத் தூண்டியிருந்தால் அதுவே இக்கட்டுரைத் தொடரின் மிகப் பெரிய வெற்றி.

இக்கட்டுரைத் தொடரில் பல புதிய தமிழ்ச் சொற்கள் பயன்படுத்தத் தேவையிருந்தது. சில ஆங்கிலச் சொற்களுக்குத் தமிழ்ச் சொற்களை புதிதாக உருவாக்கவும் நேரிட்டது. புதிய தொழில்நுட்பம் பற்றி தமிழில் எழுதுவதன் அலாதி அனுபவம் இது. இச்சொற்களுக்கு நிகரான சில தமிழ்ச் சொற்களை இங்கு பரிசீலனைக்கென முன்வைக்கிறேன்

எண் தமிழ்ச் சொல் ஆங்கிலச் சொல்
1 அகன்ற வலையமைப்பு WAN (Wide Area Networking)
2 அசையா தரவின் பாதுகாப்பு Data at rest security
3 அசையும் தரவின் பாதுகாப்பு Data in transit security
4 அடிப்படைப் பொது சாவிகள் Raw public key
5 அணியப்படும் கருவிகள் Wearables
6 அலைப்பரப்பி/வாங்கி Transceiver
7 அழுத்த உணர்விகள் Pressure sensors
8 இணைய விஷமிகள் Internet hackers
9 இணையத்துடன் பாதுகாப்பற்ற தொடர்பு Insecure web interface
10 இதய முடுக்கி Pacemaker
11 இறுக்கும் எந்திரம் Compactor
12 உடல் வருடல் Biometric scan
13 உடல்நிலைத் தகுதி Physical fitness
14 உணர்விகள் Sensors
15 உலை/காற்றுக் கட்டுப்படுத்தி Furnace/ air conditioner
16 உறுதிப்பாடு/சான்றளிப்பு Authentication
17 உற்பத்தி மற்றும், தயாரித்தல் Production and manufacturing
18 எரிபொருள் நுகரும் தரவு Fuel consumption data
19 ஒப்பந்தக்காரர்கள் Contractors
20 ஒலி உணர்விகள் Sound sensors
21 ஒளி உணர்விகள் Optical sensors
22 ஒளி மின் உணர்வி Photo electric sensor
23 கடிகை Timer
24 கட்டமைப்பு Infrastructure
25 கம்பியில்லாத் தொடர்பு Wireless connectivity
26 கம்பியில்லாத் தொலைப்பேசிகள் Cordless phones
27 கம்பியிழை மின் குமிழ் Filament bulbs
28 கம்பியுடைய தொடர்பு Wired connectivity
29 கருவி அடையாளச் சாவி Identity resolving key
30 கருவி இணையக் கட்டமைப்பு IOT architecture
31 கருவிகளின் இணையம் Internet of things
32 கருவிகள் Devices
33 காந்த உணர்விகள் Magnetic  sensors
34 குறுஞ் செய்திகள் Text messages
35 சல்லடை வலையமைப்பு Mesh networking
36 சிகிட்சை மீட்சி Post procedure recovery
37 சிற்றுருவாக்கம் Miniaturization
38 சுழல்காட்டி உணர்விகள் Rotation sensors or gyroscopes
39 செயலி Processor
40 தடுக்கிதழ் Valve
41 தரவு நஷ்டப் பாதுகாப்பு Data loss prevention
42 தரவுத் திரள்வுப் பாதுகாப்பு Data aggregation security
43 தனிப்பட்ட வலையமைப்பு PAN (Personal Area Networking
44 திசைப்போக்கு Orientation
45 திறன் நகரங்கள் Smart cities
46 திறன்பேசிகள்/நுண்ணறிப்பேசிகள் Smart phones
47 தொகுப்புத் தொழில்கள் Assembly based manufacturing
48 தொடர் செய்லாக்கத் தொழில்கள் Continuous process manufacturing
49 தொடர்பு கையொப்பச் சாவி Connection signature resolving key
50 தொடர்பு/அசைவு உணர்விகள் Contact/motion sensors
51 தொடும் விளையாட்டுக்கள் Contact sports
52 தொழில்பகுதி கணினி Plant computer
53 நிர்வாகக் கடவுச்சொல் Administrator password
54 நிலைப்பொருள் Firmware
55 நீர் வடிக்கும் உணர்வி Water drain sensor
56 நீர் மட்ட உணர்வி Water level sensor
57 நீர்தெளிப்பு அமைப்புகள் Sprinkler systems
58 நுண்ணறி/திறன் மின்சார விளக்குகள் Smart bulbs
59 பகிர்மானம் Distribution
60 பங்குச் சாவிகள் Shared key
61 பயனில் உள்ள தரவின் பாதுகாப்பு Data in use security
62 பயன்பாட்டாளர் அனுபவம் User experience
63 பயன்பாட்டுப் பாதுகாப்பு Application security
64 பாகுநிலை Viscosity
65 பொட்டலக் காகிதம் Packaging materials
66 பொதுப் பயனுடைமை Public utilities
67 பொருள் சார்ந்த பாதுகாப்பு Physical security
68 பொறியியல் பிரத்யேகத் தயாரிப்புத் தொழில்கள் Engineering job order
69 போக்குவரத்துச் சிறுபாதை Traffic lanes
70 மருத்துவ சேவைகள் காப்பீடு Medical insurance
71 மருந்தாளுனர் Pharmacist
72 மருந்துகளை அளந்து தரும் வழங்கி Medicine dispenser
73 வடஞ்சுழியான மரை Clockwise threads
74 மறுபயன்பாட்டுப் பொருள்கள் Recycling materials
75 குறிமறையாக்க முறைகள் Encryption methods
76 குறிமறையாக்க முறையின் பலம் Encryption strength
77 மானிகள் Instruments
78 மின் உப பகிர்மான நிலையங்கள் Electrical sub stations
79 மின் பகிர்மான நிலையங்களுக்கு Electrical distribution centers
80 மின்சார டிஜிட்டல் நுண்ணறியளவிகள் Smart (electrical) meters
81 மின்மாற்றிகள் Transformers
82 வளையும் மின்னணுவியல் சுற்றுக்கள் Bendable electronic circuits
83 முகப்புப் பெட்டி Dashboard
84 முடிவாற்றல் பொறிகள் Decision support tools
85 முன் பங்குச் சாவிகள் Pre-shared key
86 மேகக் கணிமை வழங்கி Cloud data server
87 ரசாயன உணர்விகள் Chemical sensors
88 ரத்த பிராணவாயு அளவு Blood oxygen level
89 வடிவமைப்பு Design
90 வட்டார வலையமைப்பு LAN (Local Area Networking
91 வருமுன் பராமரிப்பு Preventive maintenance
92 வலையமைப்புப் பாதுகாப்பு Network security
93 வழங்கி வயல் Server farm
94 விளிம்பு கணிமை Edge computing
95 வெப்ப உணர்விகள் Temperature sensors
96 வெப்பச் சீர்நிலைக்  நுண்ணறிக்கருவி Smart thermostat
97 வெற்றுத் துப்புரவாக்கி Vacuum cleaner

 

IoT-Internet-of-Things-Web_Devices_BigData_Healthகட்டுரையில், கடைசியில் சுட்டிகளைத் தருவதாக எழுதியிருந்தேன். சில சுட்டிகள் எளிமையான ஆரம்ப நிலைக் கட்டுரைகள் மற்றும் காணொலிகள். மற்றவை ஆராய்ச்சிக் கட்டுரைகள் – மிகவும் டெக்னிகலானவை. முடிந்தவரை, இவற்றைப் பிரித்து ஒரு நட்சத்திர மதிப்பீட்டுடன் இங்கே அளித்துள்ளேன். அதென்ன நட்சத்திர மதிப்பீடு?

நட்சத்திர மதிப்பீடு விளக்கம்
* ஆரம்ப நிலை புரிதலுக்கான சுட்டி
** சற்று விவரமானது. அவ்வளவு டெக்னிகல் அறிவு தேவையில்லை
*** மிக விவரமானது. கொஞ்சமாவது டெக்னிகல் அறிவு தேவை
**** மிகவும் டெக்னிகலான ஆராய்ச்சிக் கட்டுரை

 

சுட்டிகள்/மேற்கோள்கள்

துறை சுட்டி நட்சத்திர மதிப்பீடு
கருவிகளின் இணையம் – பருந்துப்பார்வை https://www.youtube.com/watch?v=6AQMMx4OkjM *
https://www.youtube.com/watch?v=LVlT4sX6uVs *
https://www.youtube.com/watch?v=fuRLFGrdYpo *
https://www.youtube.com/watch?v=wf-ogoeHZ7c *
https://www.youtube.com/watch?v=1kpyuOZApYA *
https://www.youtube.com/watch?v=eU66gkdDaFc *
http://www.pocket-lint.com/news/126559-internet-of-things-explained-what-is-it-and-can-it-really-change-the-world **
http://postscapes.com/internet-of-things-examples/ **
http://www.informationisbeautiful.net/visualizations/the-internet-of-things-a-primer/ *
http://www.wired.com/2014/11/the-internet-of-things-bigger/ **
http://www.intel.com/content/www/us/en/internet-of-things/infographics/guide-to-iot.html *
http://www.forbes.com/sites/jacobmorgan/2014/05/13/simple-explanation-internet-things-that-anyone-can-understand/ *
http://www.internet-of-things.eu/ *
http://www.gartner.com/it-glossary/internet-of-things/ *
http://www.techopedia.com/definition/28247/internet-of-things-iot **
https://www.youtube.com/watch?v=nEVatZruJ7k&feature=youtu.be *
http://techcrunch.com/topic/subject/internet-of-things/ **
http://www.freescale.com/files/32bit/doc/white_paper/INTOTHNGSWP.pdf ***
http://www.slideshare.net/wso2.org/io-t-referencearchitecturewebinar **
http://www.sciencedirect.com/science/article/pii/S0167739X13000241 ****
கருவி இணைய நியமங்கள் http://electronicdesign.com/communications/internet-things-standards-thing **
http://openinterconnect.org/ ***
 http://www.link-labs.com/zigbee-vs-wifi-802-11ah/ ****
http://www.lsr.com/white-papers/zigbee-vs-6lowpan-for-sensor-networks ****
https://www.linkedin.com/pulse/20140802224850-81482458-difference-between-zigbee-and-6lowpan-explained-with-a-simple-arduino-xbee-setup **
http://www.leva.fi/wp-content/uploads/DSS-WoT_CoAP-TCO_accepted_manuscript.pdf ****
http://www.slideshare.net/paolopat/mqtt-iot-protocols-comparison **
http://coap.technology/ **
http://www.iotprimer.com/2013/11/iot-protocol-wars-mqtt-vs-coap-vs-xmpp.html ***
http://www.slideshare.net/zdshelby/coap-tutorialhttp://www.slideshare.net/zdshelby/coap-tutorial ***
தொழிற்சாலைகளில் கருவி இணையம் https://www.youtube.com/watch?v=HPRURtORnis *
http://www.industrial-ip.org/en/industrial-ip/internet-of-things/how-the-internet-of-everything-will-transform-industries *
http://www.econais.com/applications/industrial-applications/ *
http://www.forbes.com/sites/oreillymedia/2014/02/05/the-industrial-internet-of-things/ *
https://www.youtube.com/watch?v=QBDShp6U7tU *
https://www.youtube.com/watch?v=KzXfFDJWgmQ *
http://intellisense.io/ **
https://www.youtube.com/watch?v=Fb5FrcAcYzM **
கருவி இணையத் தொழில்நுட்பம் http://iotco.org/2014/10/02/simplified-iot-architecture/ **
https://www.youtube.com/watch?v=uWTBnmRzQs4 *
http://www.embedded.com/design/real-world-applications/4426952/Building-an-IoT-for-industrial-control–Part-1–What-is-Industrial-IoT- ***
http://www.silabs.com/iot/Pages/iot-resources.aspx#whitepaper ****
http://kth.diva-portal.org/smash/get/diva2:621384/FULLTEXT01.pdf ****
 http://beboulderanywhere.colorado.edu/itp/sites/default/files/attachments/itp/team_8_-_shraddha_subhash_tekawade_-_apr_25_2014_453_pm_-_group8_final_paper.pdf ****
தனியார் போக்குவரத்தில் கருவி இணையம் https://www.youtube.com/watch?v=_5hsfStv928 *
https://www.youtube.com/watch?v=f_q16NEvfp0 *
https://www.youtube.com/watch?v=cejQ46IQpUI *
https://www.youtube.com/watch?v=cRC3ecljTSQ *
https://www.youtube.com/watch?v=-qGTYEILL4k&list=PL6VkBmmohISUfDSlCr9rEkgb6jeFoIQfl *
பொதுப் போக்குவரத்தில் கருவி இணையம் http://www.intel.com/content/www/us/en/internet-of-things/videos/driving-iot-revolution-fleet-management.html **
https://www.youtube.com/watch?v=CBkH_wJAy8Y **
பொது மருத்துவத்தில் கருவி இணையம் https://www.youtube.com/watch?v=AhOgx0bIoq0 *
https://www.youtube.com/watch?v=ST2bs8HGrI8  – *
https://www.youtube.com/watch?v=B_ERF56h4Fc – *
https://www.youtube.com/watch?v=p69K-biHXrs *
https://www.youtube.com/watch?v=qO9unY31820 *
அணியப்படும் கருவிகள் உலகம் https://www.youtube.com/watch?v=CWkwlFyyx1Q&index=6&list=PLUS2TIzPcf6ExYHOg5H03JT6-nhRH36yY *
https://www.youtube.com/watch?v=Tb6Fr50CBJI *
https://www.fitbit.com/ca/charge#specs *
https://www.youtube.com/watch?v=lkH88TTgt6A  – Remote Field work *
http://wearableintelligence.com/index.html – Google Glass applied *
https://www.youtube.com/watch?v=Rfc52nGC_AM  – Recon google glass sports app *
http://www.reconinstruments.com/products/snow2/ – Recon alphine snow assistant *
https://jawbone.com/- Fitness trackers *
http://www2.withings.com/us/en/ – Fitness, sleep and weight trackers *
https://www.youtube.com/watch?t=103&v=DERIj74bPVk  – MC10 wearable on skin devices *
https://vimeo.com/106684794  – Sensoria socks based sensors for runners *
https://getpebble.com/#/.fw3rur:Fuqt   – First smart watch *
https://www.youtube.com/watch?v=1RL8PjiOoGI  – Misfit Shine *
http://www.myfilip.com/ – child wearable for locating and communicating with pre-schoolers *
http://www.zepp.com/  – Wearables for professional sports *
http://getnarrative.com/ – wearable camera *
https://www.youtube.com/watch?v=pto5pI6tLxs – Skin level wearables *
கருவி இணைய உணர்விகள் http://www.tsensorssummit.org/ **
http://www.slideshare.net/Yole_Developpement/technologies-sensors-for-the-internet-of-things-businesses-market-trends-20142024 **
http://www.iec.ch/whitepaper/pdf/iecWP-internetofthings-LR-en.pdf  – Great white paper ****
http://eecs.oregonstate.edu/iot-showcase/sensors **
https://software.intel.com/en-us/iot/hardware/sensors ***
http://www.engineersgarage.com/articles/sensors# ***
http://www.slideshare.net/Funk98/sensors-mems-internet-of-things http://bb-smartsensing.com/ ***
கருவி இணைய ப்ளாட்ஃபார்ம்கள் http://blog.benjamin-cabe.com/2014/12/17/top-10-iot-hardware-platforms-in-2014 ***
http://cocoa.ethz.ch/downloads/2013/12/1682_20130918%20-%20MKWI_17.pdf ****
http://arxiv.org/pdf/1502.01181.pdf ****
http://www.buildinginternetofthings.com/internet-of-things-list-of-platforms/ ***
http://postscapes.com/internet-of-things-platforms **
http://www.zettajs.org/ ***
http://www.thingworx.com/platform/ ***
http://www.ptc.com/thingworx/iot-platform ***
http://www.jasper.com/iot-service-platform/control-center ***
கல்வித் துறையில் கருவி இணையம் http://bryanalexander.org/2014/09/17/what-does-the-internet-of-things-mean-for-education/ **
http://www.cisco.com/web/strategy/docs/education/education_internet.pdf **
http://www.research.ibm.com/cognitive-computing/machine-learning-applications/decision-support-education.shtml#fbid=N0rTUDp7ian **
வீடுகளில் கருவி இணையம் http://postscapes.com/internet-of-things-award/connected-home-products/ *
http://www.greenpeak.com/Application/SmartHome.html *
http://www.connectedplusshow.com/assets/she14_wp.pdf *
http://www.businessinsider.com/connected-home-forecasts-and-growth-2014-9 *
http://www.symantec.com/connect/blogs/iot-smart-home-giving-away-keys-your-kingdom *
https://www.techinasia.com/home-automation-indian-startup-inoho/ *
http://www.computerworld.com/article/2490341/consumerization/the-internet-of-things-at-home–14-smart-products-compared.html *
https://www.youtube.com/watch?v=Z0FbIq8kaMY *
https://www.youtube.com/watch?v=QaTIt1C5R-M *
https://www.youtube.com/watch?v=PS-ERQ07BIg  – Nest *
http://www.cbc.ca/doczone/episodes//deluged-by-data – Digital detox **
https://www.youtube.com/watch?v=PYpYyuGzncA  – Video  surveillance *
https://www.youtube.com/watch?v=6p5Q8VPWEk0 – Smart meters *
https://www.youtube.com/watch?v=rjB09r8Y3rQ  – Philips smart light bulb *
https://www.youtube.com/watch?v=g1zTxiaXtu0 – Samsung smart light bulb *
https://www.youtube.com/watch?v=RwaYbjC4x2s – LG Appliances *
https://www.youtube.com/watch?v=5zRDgc0gGTo – GE on appliances *
https://www.youtube.com/watch?v=6yUM9GAM360 – smart sprinkler *
https://www.youtube.com/watch?v=AV9dmaTxKsY – smart lawn mower *
https://www.youtube.com/watch?v=dhIP_1CvrSk – LG Home robot *
https://www.youtube.com/watch?v=fpzHrFLevyw – WiFi Home robot *
கட்டுமானத்தில் கருவி இணையம் http://www.cisco.com/web/strategy/docs/gov/everything-for-cities.pdf *
http://www.forbes.com/sites/bernardmarr/2015/05/19/how-big-data-and-the-internet-of-things-create-smarter-cities/ *
https://www.infobright.com/index.php/exactly-smart-city/#.VcP41_lViko *
http://embedded-computing.com/articles/developing-cities-a-smarter-world/ *
http://www.seabourneinc.com/what-is-the-real-opportunity-for-smart-cities-and-the-internet-of-things/ *
http://www.techradar.com/us/news/world-of-tech/future-tech/how-the-internet-of-things-makes-cities-smart-1239908 *
http://blog.smartcitylabs.io/examples-of-internet-of-things/ *
http://www.razvoj-karijere.com/media/files/IoT-Seminar16-9.pdf **
https://www.youtube.com/watch?v=ryQF0iTXI28  -London smart parking *
விவசாயத்தில் கருவி இணையம் http://www.link-labs.com/iot-agriculture/ **
http://www.computerweekly.com/news/2240239484/IoT-could-be-key-to-farming-says-Beecham-Research **
https://www.apan.net/meetings/Daejeon2013/Session/Agri/apan36-ernet.pdf ***
http://venturebeat.com/2014/12/07/surprise-agriculture-is-doing-more-with-iot-innovation-than-most-other-industries/ **
http://jocpr.com/vol6-iss7-2014/JCPR-2014-6-7-2304-2310.pdf ***
http://www.libelium.com/libeliumworld/agriculture/ **
http://www.informationweek.com/big-data/software-platforms/ge-powers-internet-of-agriculture/d/d-id/1306646 **
http://iotworm.com/agriculture-internet-of-things-iot-technology-applications/ **
http://link.springer.com/chapter/10.1007%2F978-3-642-36124-1_36#page-1 ***
http://www.techworld.com/news/big-data/farming-industry-must-embrace-internet-of-things-3596905/ **
http://www.globalcis.org/jcit/ppl/JCIT2598PPL.pdf ***
https://www.youtube.com/watch?v=oY0mxwySaSo – Connected Cow *
பாதுகாப்பு உலகில் கருவி இணையம் http://www.windriver.com/whitepapers/iot-for-defense/wind-river_%20IoT-in-Defense_white-paper.pdf ***
http://dupress.com/articles/internet-of-things-iot-in-military-defense-industry/ **
http://defensesystems.com/Articles/2013/10/01/Internet-of-Everything_0.aspx?Page=1 **
http://www.defenseone.com/technology/2014/07/cia-fears-internet-things/89660/ **
http://eecatalog.com/military/2014/05/09/the-military-internet-of-things/ **
http://www.iotjournal.com/defense/videos *
https://www.youtube.com/watch?v=9LiuXgcqkS0 *
கருவி இணைய பாதுகாப்பு சவால்கள் http://www.toptal.com/it/are-we-creating-an-insecure-internet-of-things **
http://www.enterprisenetworkingplanet.com/netsecur/security-challenges-of-the-internet-of-things.html ***
https://www.veracode.com/blog/2015/06/smart-devices-pose-many-challenges-iot-security-your-company-challenge-sw ***
http://www.link-labs.com/iot-security-challenges/ **
http://www.pubnub.com/blog/internet-of-things-security-risks-and-challenges/ **
http://www.afilias.info/blogs/ram-mohan/internet-things-solving-security-challenges-fringe-core **
http://blog.willis.com/2015/07/iot-with-great-potential-come-great-security-challenges/ **
http://www.lnttechservices.com/media/30090/whitepaper_security-considerations-for-internet-of-things.pdf ***
https://downloads.cloudsecurityalliance.org/whitepapers/Security_Guidance_for_Early_Adopters_of_the_Internet_of_Things.pdf ****
கருவி இணைய வாய்ப்புக்கள் http://readwrite.com/2014/06/27/internet-of-things-developers-jobs-opportunity *
http://www.forbes.com/sites/sarahcaldicott/2014/11/30/ready-for-the-internet-of-things-5-skills-youll-need/ *
https://agenda.weforum.org/2014/10/internet-of-things-will-affect-our-jobs/ *
http://money.howstuffworks.com/10-jobs-internet-of-things.htm#page=0 *
http://www.itcareerfinder.com/brain-food/blog/entry/hot-it-skills-in-the-internet-of-things.html *
http://tech.co/it-skills-internet-things-2015-06 **
http://www.computerworlduk.com/galleries/careers/make-most-of-iot-skills-shortage-top-jobs-for-future-slideshow-3600321/ **
https://www.linkedin.com/pulse/20141201154112-3386291-ready-for-the-internet-of-things-5-skills-you-ll-need *
கருவி இணைய போக்குகள் https://medium.com/@dconrad/how-new-long-range-radios-will-change-the-internet-of-things-ed8e6b5e367f#.6jl8egq9k **

 

தொடர்ந்து இக்கட்டுரைத் தொடர் வெளிவர ஊக்கமளித்த ’சொல்வனம்’ ஆசிரியர் குழுவிற்கு நன்றி. இங்குள்ள சுட்டிகள் இத்துறையில் புதிதாக ஆர்வமுள்ளவர்கள் மேல்வாரியாக அறிந்து கொள்வதற்கு மட்டுமல்லாமல், ஆழமாகப் புரிந்து கொள்ளவும் வழி செய்யும் என்று வெளியிட்டுள்ளேன். ஒவ்வொரு விஞ்ஞான/தொழில்நுட்பக் கட்டுரையின் பின்னணியிலும் இத்தகைய ஆராய்ச்சி இருந்தாலும், விரிவாக இங்கு வெளியிடுவதற்குக் காரணம், புதிய இத்துறையில், தமிழ் படிக்கத் தெரிந்த இளைஞர்(ஞி)கள் பிரகாசிக்க வழி வகுக்கலாம் என்ற நம்பிக்கையே.

சொல்வனம் – ஆகஸ்ட் 2016

சமுதாய நோக்கும், போக்குகளும் – கருவிகளின் இணையம் – பகுதி 23

Internet_of_things

இந்தத் தொழில்நுட்பத்தை ஆராய்கையில், பல புதிய விஷயங்கள் கிட்டியதோடு, சிறு ஏமாற்றங்களும் எனக்கு இருந்தன. அதே நிலை, இக்கட்டுரையைப் படிக்கும் உங்களுக்கும் இருந்திருக்கும் என்று நம்புகிறேன். உதாரணத்திற்கு, ஆராய்ச்சிக்கு முன் என் பார்வையில்,

  1. கூகிள், மைக்ரோசாஃப்ட், ஆப்பிள் போன்ற பெரிய நிறுவனங்கள் இந்தத் துறையில் பல பொருட்களை அடுக்கி நம்மை திக்கு முக்காடச் செய்து விடுவார்கள். – முதல் ஏமாற்றம் இது.
    பல அதிரடி யோசனைகளை உருவாக்கும் நிறுவனங்கள் புதிய, பெயரெடுக்காத நிறுவனங்களே. கூகிளோ – ஒரு நெஸ்ட், ஆப்பிளோ – ஒரு வாட்ச் என்று ஜல்லியடிக்கும் நிறுவனங்கள். புதிய நிறுவனங்கள் வெற்றி அடைந்தவுடன் அவற்றை விழுங்கத் மட்டுமே கூகிள் மற்றும் ஆப்பிள் நிறுவனங்கள் தயாராக உள்ளன.
  2. புதிய தொழில்நுட்பத்தில் குறைகள் இருந்தாலும், பெரிதும் சோதனை செய்யப்பட்டு, நுகர்வோருக்குத் தக்கவாறு அறிமுகப்படுத்தப்படும் மிகவும் சரியான கருவிகள் இவை– இரண்டாம் ஏமாற்றம் இது.அதிகம் சோதிக்கப்படாமல் நுகர்வோரைச் சென்று அடையும் கருவிகள் இன்று பெருகி விட்டன. பாதுகாப்பு காமிராக்களின், கார்களின் குறைகள் பற்றியச் செய்திகள் ஊடகங்களில் ஏராளமாக வரத் தொடங்கிவிட்டன.
  3. கம்பியில்லாத் தொழில்நுட்பம் ஏராளமாக வளர்ந்துள்ளதால், இக்கருவிகள் சமுதாயத்திற்கு உடனே பெரும் பயன் அளிக்க உள்ளன – மூன்றாம் ஏமாற்றம் இது.இந்த நம்பிக்கையை உடைத்தது சற்று ஆழமான ஆராய்ச்சி.அவசரமாக வளர்ந்த செல் தொழில்நுட்பங்கள் ஒன்றோடு ஒன்று இணையத்துடன் இணைவதில் பல சமரசங்கள் செய்து, கடைசியில் புதிய கருவிகளை இணையத்தோடு உறவாடுவதை மிகவும் சிக்கலாக்கி விட்டன.அவசரத்திற்கு உதவிய தொழில்நுட்பம், எதிர்காலத்தில் உதவுமா என்பது கேள்விக்குறியாகவே உள்ளது.
  4. அடித்துப் பிடித்து எப்படியோ தொழில்நுட்ப நியமங்கள், கருவிகள் இணைய உலகிற்கு உதவிவிடும். – நான்காம் ஏமாற்றம்.இந்த நம்பிக்கை முழுவதும் போய்விடவில்லை. ஆனால், இன்றைய தொழில்நுட்ப நியமங்கள் மற்றும் அதன் பின் உள்ள தொழில் அரசியல் அவ்வளவு நம்பிக்கை ஊட்டுவதாக இல்லை.
  5. பாதுகாப்பிற்கு முக்கியத்துவம் கொடுத்து சமுதாயத்திற்கு பெரிதும் உதவும் கருவிகள் இதோ இன்னும் 2 ஆண்டுகளில். – ஐந்தாம் ஏமாற்றம் இது.புதிய சோப்பு விளம்பரம் தரும் நம்பிக்கை போல இந்த நம்பிக்கையும் இருந்தாலும்,  மிகக் குறைவான, செயல்திறன் (processing speed) மற்றும் மின்கலன் (battery) சக்தி வாய்ந்த கருவிகளுக்குள் எப்படி சரியான பாதுகாப்பையும் அளிப்பது என்பது மிகப் பெரிய பிரச்னை.
  6. அலுவலகங்கள் மற்றும் கல்வித்துறையில் நாளைய கருவி இணைய (Internet Of Things – IoT) துறையை இன்றே பார்க்கலாம் – ஆறாம் ஏமாற்றம்.இந்தத் துறைகளின் இன்றைய நிலை மிகவும் ஏமாற்றம் அளிக்கத்தான் செய்தது. குறிப்பாகக் கல்வித்துறையின் பின்தங்கிய நிலை நான் சற்றும் எதிர்பார்க்காதது.

சமூகப் போக்குகள், புதிய தொழில்நுட்பங்களின் பயனை வழிப்படுத்தும் சக்தி படைத்தவை. பாதுகாப்பு குறித்து சமூகம் கொண்டிருக்கும் சற்றும் பொறுப்பற்ற நோக்கு இன்றைய கருவி இணைய முயற்சிகளை அதிகம் சர்ச்சைக்கு உள்ளாக்கியுள்ளது என்பது என் கருத்து.

இன்றைய புதிய திறன்பேசி (smartphone) மாடல்கள் நுகர்வோர் பயன்பாட்டை மட்டுமே அதிகம் மையமாக்குகின்றன.

இதன் தொடர்சியாக, இன்றைய கருவி இணைய முயற்சிகளும், பாதுகாப்பு விஷயங்களைப் பின்னுக்குத் தள்ளி விட்டன. குறிப்பாக, வீடுகளில், கார்களில் பயன்படுத்தப்படும் கருவிகள், மற்றும் அணியப்படும் கருவிகளில் இந்தப் போக்கு அதிகமாக உள்ளது. இவற்றை வாங்கும் நுகர்வோர்கள் தங்களுடைய திறன்பேசியில் உள்ள பயன்பாடுகளைப் போலவே இவையும் வேலை செய்ய வேண்டும் என்று எதிர்பார்க்கிறார்கள். பாதுகாப்பின்றி எதிர்காலத்தில் இவர்கள் படப் போகும் கடும் இன்னல்கள் பற்றிச் சற்றும் கவலைப்படுவதில்லை.

இன்னொரு முக்கிய தொழில்நுட்ப விஷயம் அதிகம் பேசப்படுவதே இல்லை. IPv6 தொழில்நுட்பம் பல கோடி கோடிக் கருவிகளை இணையத்துடன் இணைக்கும் திறன் படைத்தது என்று தொழில்நுட்பப் பகுதியில் பார்த்தோம். அப்படி இணைத்த இணையத்தின் கதி பற்றி ஏதாவது எங்காவது சொல்லப் பட்டதா? மூச்!

வழக்கமான, வந்தபின் பார்த்துக் கொள்வோம் என்ற அணுகுமுறைதான். ஏராளமான கணினிகளின் பல லட்சம் கோடித் தரவுகளைச் சமாளிக்க வேண்டும் என்று 90–களின் கடைசியில் இணையத்திற்கான பல இழை ஒளியியல் (Fibre Optics) முன்னேற்றங்கள் இன்று வரை தாக்கு பிடித்துள்ளன. ஆரம்பத்தில் வெறும் வார்த்தைகள் மட்டுமே பரிமாறிக் கொள்ளப்பட்டன; பிறகு படங்கள், வீடியோக்கள் என்று தேவைகள் மிக அதிகமாகிவிட்டன. பல கோடிக் கோடி கருவிகள் இந்த இணையத்தில் இடைவிடாமல் சேர்ந்து கொண்டால், அதன் வேகம் வெகுவாக பாதிக்கப்படும். இன்னும் ஐந்து ஆண்டுகளில் இவை ஏராளமாக இணையத்தில் இணையும் என்று எதிர்பார்க்கப்படுவதால், உடனடியாக, இணைய வேகத்தைக் கூட்ட முயற்சிகள் மேற்கொள்ளப்பட வேண்டும்.

இத்துறை முன்னேறாமல் இல்லை. பல முயற்சிகள் போர் வேகத்தில் நடந்து வருவது உண்மை. ஆயினும், எப்படியோ முழுவதும் சோதிக்கப்படாத பொருட்களை சந்தைக்குக் கொண்டு வந்து, பிறகு சமாளிக்கலாம் என்ற செல்பேசி மற்றும் கணினி மென்துறை அணுகுமுறைகள் இந்தத் துறைக்கு அதிகம் உதவுவதில்லை.

புதிய செல்பேசி  வரவுகளில் பாதுகாப்பைப் பற்றி அதிகம் கவலைப்படாது, அபாயங்களின் தாக்கம் அதிகமாக இருப்பதை நுகர்வோர்கள் சிந்திப்பதில்லை. ஆனால், ஒரு புதிய இணையத் தொழில்நுட்பம் அறிமுகமாகும் போது, அந்த செல்பேசிக் கருவியின் பாதுகாப்புக் குறைகள் சில நாட்களிலேயே தெரிந்து அதன் தொழில்நுட்பத்தையே கேள்விக் குறியாக்கிவிடலாம்.

உதாரணத்திற்கு, க்ரைஸ்லர் செரோக்கி (Chrysler Cherokee) ஜீப்பின் கணினிகள் எளிதில் தாக்கப்படலாம் என்ற செய்தி வெளியானவுடன், இந்த ஊர்தியின் விற்பனை சரியத் தொடங்கியது. (பார்க்க: https://www.wired.com/2015/07/hackers-remotely-kill-jeep-highway/)

கருவி இணையப் போக்குகள்

 

IoT-Expectationsபுதிய கருவிகளைப் பற்றியோ அல்லது புதிய நிறுவனங்களைப் பற்றியோ இங்கு நாம் அலசப் போவதில்லை. இத்துறையின் பிரச்னைகள், முன்னேற்றங்கள் போன்றவற்றை ஏற்கனவே முன் வைத்து விட்டோம். அடுத்த கட்ட நடவடிக்கைகள் (2016-2020) பற்றி சற்று அலசுவோம்.

  1. முதலில், அடிப்படை கருவியளவு பாதுகாப்பிற்கு புதிய முறைகள் – வழக்கமான Deffie Hellman போன்ற குறிமறையாக்க (Cryptography) முறைகள் கருவி இணைய உலகிற்கு ஒத்து வராதவை. குறைந்த செயலித் திறன் (processing power) மற்றும் மின்கலன் (battery) சக்தியில் வேலை செய்யும் புதிய முறைகள் தேவை.சற்று சர்ச்சைக்குரியதாக இருந்தாலும், Algebraic Eraser (AE) போன்ற புதிய முறைகள் மேலும் மெருகூட்டப்பட்டு இந்தத் துறையில் பெரிதாக உதவலாம்.
  2. அடுத்தபடியாக, கருவி இணைய கட்டமைப்பு நியமங்கள் (IoT Architecture Standards) மிகவும் முக்கியம் – பல முயற்சிகள் காரசாரமாக விவாதத்தில் இருந்தாலும், முடிவாக இன்னும் இரண்டு ஆண்டுகளில், ஒன்று அல்லது இரு நியமங்கள் ஏற்றுக் கொள்ளப்பட வேண்டும். இல்லையேல் உள்பூசலிலேயே இந்த முக்கிய தொழில்நுட்பம் தோற்றுப் போகும் வாய்ப்புண்டு.
  3. சும்மா கையில் அணியப்படும் கருவியை வைத்து அழகான வரைபடம் ஒன்றை உருவாக்கி இதோ கருவி இணையம் என்று அலட்டிக் கொள்வது இன்னும் 2 ஆண்டுகளுக்கு மேல் தாங்காது.நிறுவனங்கள் மேகக் கணிமைத் (Cloud Computing) துறையில் பல்வேறு கருவிகளிலிருந்து உருவாகும் தரவுகளைக் (Stored Data)க்களைக் கையாளும் முறைகளை உருவாக்க வேண்டும். இப்படிச் செய்தால்தான், பயன்பாட்டாளருக்கு உண்மையான பயனை உருவாக்க முடியும். இந்தத் தரவுக் கையாள்மை மிகவும் பாதுகாப்பாக இருக்க வேண்டும் என்பதைச் சொல்லத் தேவையில்லை.
  4. விளிம்புக் கணிமை (edge computing) என்பது, கருவிகள் இருக்கும் இடத்தின் அருகே எவ்வளவு முடியுமோ அவ்வளவு அருகே கணிமை நிகழ வேண்டும். பொதுவாக, இது எல்லோராலும் ஒப்புக் கொள்ளப்பட்டாலும், இன்னும் இரண்டு ஆண்டுகளில், சிறப்பாக, பல விதக் கருவிகளுடன், புதிய பல பயன்பாடுகளில் நிகழ வேண்டும். இதைப் பற்றித் தொழில்நுட்பப் பகுதியில் நாம் விரிவாகப் பார்த்தாலும், இன்று வெகு சில பயன்பாடுகளில் மட்டுமே இது நடக்கின்றது.
  5. இத்தகைய கருவி இணைய அமைப்புகளை வழங்கும்/ பயன்படுத்தும் ஒவ்வொரு நிறுவனமும் தங்களுடைய வலையமைப்பு சக்தியைக் (Network power)ஐக் கூட்டுதல், அடுத்த இரண்டு வருடங்களில் அவசியம்.
  6. மேகக் கணிமை போன்ற சேவைகளை வழங்கும் நிறுவனங்கள், இந்தத் தொழில்நுட்பத்தைச் சரியாகப் பயன்படுத்திக் கொள்ள புதிய வியாபார முயற்சிகளில் இறங்குவதை இன்னும் ஒரு வருடத்தில் நாம் பார்க்கலாம். பயன்பாட்டாளர்களுக்கு பல புதிய மேகக் கணிமை முறைகள், குறைந்த விலைகள் சாத்தியமாகும்.
  7. கட்டமைப்பு உலகில், இன்னும் இரண்டு வருடங்களில், மேற்குலகில், இந்தத் தொழில்நுட்பத்தால் உந்தப்பட்டு, புதிய பல சேவைகள் உருவாகும். இதனால், புதிய பல வியாபாரங்கள் உருவாகும்.
  8. இன்னும் இரண்டு ஆண்டுகளில், திறன்பேசியா அல்லது அணிக்கருவியா (Connected Devices) என்ற சர்ச்சை அவசியம் உருவாகும். நுகர்வோரே இந்தச் சர்ச்சையின் முடிவை முடிவு செய்வார்கள். இதில் எந்தத் தொழில்நுட்பம் நிலைக்கும் என்று சொல்வது கடினம்.
  9. மிக முக்கியமாக ‘திறன் நகரங்கள்’ (smart cities) இந்தத் தொழில்நுட்பத்தின் மிக முக்கிய தூதுவர்களாகும் நிலை இன்னும் 2 அல்லது 3 ஆண்டுகளில் உருவாகும்.நாம் இதுவரை நினைத்துப் பார்க்காத புதிய கருவி இணையப் பயன்பாடுகள், கருவிகள், உணர்விகள் (sensors) இரண்டு வருடங்களில் சாத்தியம்.

சில தடைகள் இருந்தாலும் இந்தத் துறை இன்னும் அடுத்த சில ஆண்டுகளில் பயங்கர வேகத்தில் முன்னேறும் என்பது உறுதி. இதை உறுதியாகக் கூறுவதற்கு முக்கிய காரணங்கள் இவை:

    • இந்தத் துறையில் புரளப் போகும் பல்லாயிரம் கோடி டாலர்கள் மிகப் பெரிய பிரச்சினைகளையும் தீர்க்க வழி செய்யும்.
    • இந்தத் துறையில் உருவாகப் போகும் பல்லாயிரம் புதிய வியாபார சாத்தியங்கள் புதிய சிந்தனைகளை உருவாக்கும்.
    • இந்தத் துறையில் இயங்கவிருக்கும் பல லட்சம் புதிய இளைய தலைமுறைகளின் புதிய அணுகுமுறைகள் பல பிரச்சினைகளைத் தீர்க்க வழி செய்யும்.

சொல்வனம் – ஆகஸ்ட் 2016

வாய்ப்புகள் – கருவிகளின் இணையம் – பகுதி 22

முதலில் ஒரு எச்சரிக்கை. பொதுவாக இந்திய மென்பொருள் வல்லுனர்கள், பெயர் போன கூகிள், மைக்ரோசாஃப்ட், ஆரகிள் போன்ற நிறுவனங்களில் பணி புரியவே விரும்புபவர்கள். மேலும், சிலர், டிசிஎஸ், இன்ஃபோஸிஸ் போன்ற பெரிய மென்பொருள் சேவை நிறுவனங்களில் தங்களுடைய கல்வியை வீணடிக்கிறார்கள். இவர்கள் அனைவரும் இந்தக் கட்டுரையைப் படிக்கத் தேவையில்லை. ஏனென்றால், கருவி இணையத் துறையில் ஏராளமான வாய்ப்புகள் இருந்தாலும், மேல் சொன்ன நிறுவனங்களில் வாய்ப்புகள் மிகக் குறைவு. மிகைபடுத்தப்பட்ட தம்பட்டம் தான் இங்கு நீங்கள் காண முடியும்.

  1. தீவிரமாக இந்தத் துறையை முன்னோக்கி எடுத்துச் செல்லும் நிறுவனங்கள் மிகவும் பெயர் எடுத்தவை அல்ல. சின்ன நிறுவனங்கள்
  2. ராட்சச இந்திய மென்பொருள் சேவை நிறுவனங்களை இந்தத் தொழில்நுட்பம் எட்ட இன்னும் பல ஆண்டுகள் ஆகும். இவர்கள் ரிஸ்க் எடுக்கத் தயங்கும் மிகப் பெரிய நிறுவனங்கள்
  3. புதிய கருவிகள், புதிய பயன்பாடுகளை உருவாக்கத் துடிக்கும் இளைஞ(ஞி)ர்கள் இந்தத் துறையில் தாராளமாக இறங்கலாம். புதிய துறையாக இருப்பதால், எதிர்காலம், சற்று சந்தேகமாகத் தோன்றலாம். ஆனால், சொந்த முயற்சிக்கு மிகவும் ஏற்ற துறை. மிக அதிக முதலீடும் தேவை இல்லை. ஸ்பெயின் இத்துறை தோன்றும் வரை மிகப் பெரிய தொழில்நுட்ப முன்னோடி ஒன்றும் இல்லை. இன்று கலக்குகிறார்கள். இந்திய இளைஞர்கள், இந்திய சேவை நிறுவனங்கள் செய்யத் தவறியதைப் பூர்த்தி செய்யலாம் – உலகில் எல்லோருக்கும் தெரிந்த இந்தியக் கணினி வியாபாரக் குறி. உங்களுக்குள் இந்த உந்துதல் இருந்தால், களத்தில் இறங்குங்கள்!

Image result for IoT opportunitiesஇக்கட்டுரைத் தொடரைப் படித்துவிட்டு, எப்படி இந்தத் துறையில் இறங்குவது என்று கேள்வி எழும் வாசகர்களுக்கு முதலில் சில விஷயங்களைத் தெளிவுபடுத்துவது அவசியம்.

  1. தெரு மூலையில் இருக்கும் கணினி நிரல் மொழிகளைச் சொல்லிக் கொடுக்கும் நிறுவனத்திடம் தயவு செய்து இந்தத் துறையில் ஏதாவது வகுப்பு இருக்கிறதா என்று கேட்காதீர்கள். அவர்களது பார்வையில், விஷுவல் பேசிக், ஆரகிள் சொல்லிக் கொடுத்துப் பணம் பண்ணுவதுதான் வியாபாரம்
  2. சரி, உள்ளூர் பல்கலைக் கழகத்தில் தொடர்கல்வி அமைப்பில் ஏதாவது வகுப்பு இருக்குமா என்றும் தேடாதீர்கள். இந்தத் துறையில் கல்வித்துறை பின்தங்கியுள்ளது. அதுவும் அதிகம் நியமங்கள் சரியாக அமையாத இந்தத் துறையைப் பல்கலைக்கழகங்கள் தொட,இன்னும் சில ஆண்டுகள் பிடிக்கும்
  3. ஏதாவது பெரிய நிறுவனம் தனிப்பட்ட வகுப்பு நடத்துகிறார்களா என்று தேடினால், அதிலும் சில சிக்கல்கள் உள்ளன. இவர்கள் தங்களுடைய அணுகுமுறை மற்றும் கருவிகள்தான் உலகில் சிறந்தவை என்று விற்பனை கலந்த கல்வியால், உங்களுக்குச் சரியான கல்வி வழங்க மாட்டார்கள்

 

internetofthings2சரி, என்னதான் செய்யலாம்? ஒரு ஐந்து ஆண்டுகளில் இந்தத் தொழில்நுட்பம் தெரு ஓரப் பயிற்சி மையத்திற்கு வந்து விடும், அப்புறம் பார்க்கலாம் என்று மட்டும் சும்மா இருந்து விடாதீர்கள். ஏனென்றால், இத்துறையின் வாய்ப்புகள் ஐந்து ஆண்டு காலம் காத்திருக்காது.

ஆனால், 2020 –க்குள் பல லட்சம் வல்லுனர்கள் இத்துறைக்குத் தேவை. சரியான பயிற்சியும் அணுகுமுறையும் இருந்தால், வேலை மற்றும் வெற்றிகரமான வியாபாரம் – இரண்டும் சாத்தியம்.

களத்தில் இறங்குமுன் இத்துறை உங்களிடமிருந்து என்ன எதிர்பார்க்கிறது, உங்களுக்கு என்ன தெரிந்திருக்க வேண்டும், சொந்த முயற்சியில் என்னவெல்லாம் கற்க வசதிகள் உள்ளன என்று விரிவாக இந்தக் கட்டுரையில் அலசுவோம். அதன் பின், பயிற்சிக்கு என்ன வசதிகள் இருக்கின்றன என்றும் பார்ப்போம்.

முதலில் உங்களுக்கு என்ன தெரிந்திருக்க வேண்டும் என்று பார்ப்போம்.

  • சம்பந்தமே இல்லாத துறைகளில், எப்படிக் கருவிகளில் புதிய பயன்பாடுகளை உருவாக்கி, அவற்றைப் பயனுள்ள தோழராக மாற்ற முடியும் என்று சிந்திக்கத் தெரிந்திருக்க வேண்டும். உதாரணத்திற்கு, ஒரு சக்கர நாற்காலியில் உள்ள நோயாளிக்கு என்ன செய்தால், நோயாளி பயனுறுவார் என்று இதுவரை எந்த நிரலரும்/பொறியாளரும் சிந்தித்ததில்லை. இன்றைய கருவி இணைய வல்லுனர்கள் சிந்திக்கிறார்கள். எந்த ஒரு பயன்பாட்டு உலகையும் துச்சமாக நினைக்காதீர்கள். உதாரணத்திற்கு, சேற்றில் இறங்கி உங்களது உணர்விகளை நிறுவ வேண்டும் என்றால், முகம் சுளிக்கக் கூடாது – ஏனென்றால், உங்களது களம், விவசாயக் கருவி இணையத் துறையாக இருக்கலாம்
  • உங்களுடைய பயிற்சித் துறையைத் தாண்டி பல வேறுதுறை வல்லுனர்களுடன் ஆலோசித்து ஒரு பயனுள்ள கருவி இணையப் பயன்பாட்டை உருவாக்கத் தெரிந்திருக்க வேண்டும். உதாரணத்திற்கு, சக்தி உருவாக்கத் துறைக்கு ஒரு பயனுள்ள கருவியை உருவாக்க நீங்கள் அத்துறையின் வல்லுனராக இருக்கத் தேவையில்லை. ஆனால், அத்துறை வல்லுனர் ஒருவர் மூலம், எங்கு பிரச்னைகள் தீர்க்கப்படாமல் இருக்கின்றன என்று அறிந்து, அந்தத் தேவையைப் பூர்த்தி செய்யும் வல்லமை உங்களிடம் இருக்க வேண்டும்
  • உங்களுடைய துறையில் – அது நிரலுவது, அல்லது கருவி வடிவமைப்பு, அல்லது, இணையத் தொடர்பு, அல்லது கருவி இணையப் பாதுகாப்பு, உங்களிடம் ஏராளமான வல்லமை இருக்க வேண்டும். இந்த விஷயத்தில் மட்டும் வல்லமை இருந்தால் மட்டும் போதாது என்பதே இத்துறையின் சிறப்பு. தொழில்நுட்பக் கல்வித்துறை அதிகமாக மென்பொருள் பயன்பாட்டு இடைத்தளத்தைப் (user interface) பற்றி சொல்லித் தரவில்லை. அதையும் தாண்டி, இந்தத் துறையில் மிகவும் தேவையான பயிற்சி, பயன்பாட்டு அனுபவத்தைச் சார்ந்தது (user experience). பல நுகர்வோர் கருவி இணையப் பயன்பாடுகளில், திறன்பேசி போன்ற திரை வசதிகள் இருக்காது. வித்தியாசமாகச் சிந்தித்தல் அவசியம்
  • விடாமுயற்சி மிகவும் தேவை. இத்துறையில் தோல்விகள், வெற்றிகளை விட ஏராளம். உங்களுடைய ஐடியாவைத் துறக்க நீங்கள் சின்னச் சின்ன காரணங்களுக்காகத் தயாராக இருந்தால், களத்தில் இறங்காதீர்கள். பல தோல்வி முயற்சிகளுக்குத் தயாராகுங்கள். இந்தத் துறையில் தொழில் தொடங்க விழைபவர்கள் ஆரம்பத் தோல்விகள் ஏராளம் என்பதை அறிய வேண்டும். முதலில் அருமையான ஐடியா என்று தோன்றுவதை பயன்பாட்டிற்கேற்ப மாற்றியமைக்கத் தயாராகவும் இருக்க வேண்டும்
  • முழு வீச்சுப் புரிதல் – பாதுகாப்பு பற்றிய கட்டுரைகளில் இதைப் பற்றி அலசினோம். பயன்பாடு என்பது ஒன்று; ஆனால், தகாத பயன்பாடு என்பது முற்றிலும் வேறுபட்டது. கருவி இணைய வடிவமைப்பாளர்கள் தகாத பயன்பாடு பற்றியும் சிந்திக்கும் திறனாளியாக இருக்க வேண்டும். இல்லயேல் உங்களது அருமையான ஐடியா எப்படியோ சமூகத்திற்கு தீங்கு விளைவிக்கும் சக்தியைப் படைத்துவிடும். தகாத பயன்பாட்டைத் தவிர்த்தீர்களானால், உங்களது கருவி இணைய முயற்சிக்கு நெடுங்கால வாழ்விருக்கும். இல்லையேல், வந்த வேகத்தில் மறைந்துவிடும்

சரி, பிற துறைகளில் வல்லுனர்களுடன் வேலை செய்யத் தெரிந்த விடாமுயற்சியுள்ள ஒருவருக்கு, டெக்னிகலாக இத்துறையில் எப்படிப்பட்ட வாய்ப்புகள் காத்திருக்கின்றன?

  1. இணையப் பொறியாளர்கள் – இவர்கள் பலவித கருவிகளை இணையத்துடன் இணைப்பதோடு மட்டும் நின்றுவிடாமல், மாறி வரும் கருவி இணைய நியமங்கள், இணைய வேகம், மற்றும் பின்னணி வன்பொருள் விஷயங்களில் வல்லுனர்களாக இருக்க வேண்டியது அவசியம்
  2. MEMS பொறியாளர்கள் – எல்லா நிறுவனங்களிலும் இவர்களுக்கு வேலை இல்லையென்றாலும், (பெரும்பாலான நிறுவனங்கள் உணர்விகளைப் பயன்படுத்தவே செய்கிறார்கள், உருவாக்குவதில்லை) இது ஒரு விசேடமான திறன். Instrumentation, microelectronics, mechatronics போன்ற படிப்புகள் படிப்போர்களுக்கு மிகச் சிறந்த ஒரு துறை
  3. வணிகத் திறனாளர்கள் மற்றும் செயற்கைத் திறனாளர்கள் (business and artificial intelligence specialists) – கருவிகள், மனிதர்களைப் போல இயங்குவதில்லை. இத்துறைகளில் உள்ள நெடுங்காலக் கனவு, சீராக உருவாக்கப்பட்ட தரவுகள். மனிதர்கள், குறைகள் நிறைந்த தரவுகளை உற்பத்தி செய்பவர்கள். அத்தோடு, மனிதர்கள் அரசியல் கைதிகள் – தரவுகள் சொல்வதையும் மீறிச் செயல்படுபவர்கள். இத்தனைக் காலம், மனிதர்களை ஒட்டியே உருவாகிய இத்துறைகள், எந்திரங்கள் உருவாக்கும் தரவுகளை ஆராய்ந்து முடிவுகளை முன்வைக்க வேண்டும். அரசல் புரசலான முன்வைப்புகள் ஒத்து வராது. வழக்கமான கல்வி முறைகள், இங்கு உதவாது. மிகச் சிறிய முடிவுகளைக் கருவிகளிடம் விட வேண்டும். படம் வரைந்து 60 வயது மக்கு வைஸ் பிரஸிடெண்ட்டிற்கு விளக்கத் தேவையில்லை. கருவிகளுக்குச், சின்ன விதிகள், சின்னத் தரவுகள் போதும். முன்வைக்கப்பட்ட முடிவுகள் எப்பொழுதும் நிறைவேற்றப்படும். முடிவுகளை நிறைவேற்ற துல்லியமான விதிகள் மட்டுமே தேவை. கருவிகளிலிருந்து வரும் தரவுகள் எப்பொழுதும் ஒரே பாணியில் இருக்கும்
  4. தகவல் பாதுகாப்பு வல்லுனர்கள் – பாதுகாப்புப் பற்றிய கட்டுரைகளில் பார்த்தது போல, இவர்கள் மாறி வரும் மறைகுறியாக்க முறைகள் எப்படி கருவி இணைய உலகில் பல்வேறு தளங்களில் பயன்படுத்தி இணைய விஷமிகளின் தாக்கல்களைச் சமாளிப்பது என்பதில் குறியாக இருக்க வேண்டியவர்கள். ஊடுருவல் என்பது ஒரு பூனை, எலி சமாச்சாரம். இன்றைய பிரமாதமான பாதுகாப்பு, நாளைய பாதுகாப்பு ஓட்டை. கணித அறிவும், கணினி மென்பொருள் அறிவும் கைகோர்த்து எதையும் சந்தேகத்துடன் அணுகும் இவர்கள் கருவி இணைய உலகில் மிகவும் முக்கியமானவர்கள்
  5. பயன்பாட்டு இடைத்தள மற்றும் அனுபவ வல்லுனர்கள் – புதிய கருவிகளுடன் தொடர்பு என்பது திரைத் தடவல் வடிவில் இருக்க வேண்டியதில்லை. சிறிய கருவிகளுக்கு புதிய அணுகுமுறைகள் தேவை. இதுவரை திறன்பேசி, மற்றும் கணினி பயன்பாட்டு இடைத்தள வீரர்கள், தங்களை மாற்றிக் கொண்டால்தான் இத்துறையில் வெற்றி பெற முடியும். உதாரணத்திற்கு, எங்கோ ஒரு காட்டுப் பகுதியில் நிறுவப்பட்டுள்ள மின்கலத்தில் இயங்கும் ஒரு சுற்றுச்சூழல் கருவியுடன் எப்படித் தொடர்பு கொள்வது?
  6. திறன் கருவி மென்பொருள் நிபுணர்கள் (smart devices software engineers) – இவர்கள் ஆண்ட்ராய்டு, ஐ.ஓ.எஸ் என்று நின்று விடாமல், பல புதிய தொழில்நுட்பங்களோடு சமாளிக்க வேண்டும். மாறி வரும் புதிய நியமக் கருவிகளுடன் தொடர்பு, மற்றும் பாதுகாப்பு என்று இவர்களது பங்கு விரிவானது. சில நிறுவனங்களில் இவர்களே பாதுகாப்பு வல்லுனர்கள். இவர்களது பங்கு பயன்பாட்டோடு நின்றுவிடாமல், கருவிகளை தொலைதூரத்திலிருந்து பராமரிப்பது எப்படி என்பது வரை விரியும். ஜாவா, பைத்தான் மற்றும் பேர்ல் போன்ற புதிய கணினி நிரல்மொழிகள் இந்தப் பயணத்தில் உதவும்
  7. வலையமைப்பு நிபுணர்கள் (networking specialists) – குறிப்பாக, Zigbee, 6LowPAN, Bluetooth LE, WiFi, போன்ற விஷயங்களில் இவர்கள் தேர்ந்திருத்தல் அவசியம். எந்த ஒரு வலையமைப்பும், ஒரே தொழில்நுட்பத்தோடு இன்னும் சில ஆண்டுகளுக்கு வரப் போவதில்லை. இந்த விதவிதமான நியமங்களுடன் ஒரு கருவி இணைய அமைப்பு வேலை செய்வது அவசியம். அத்துடன் பாதுகாப்பாகவும் செயல்பட வேண்டும்

இவ்வாறு, பல புதிய வாய்ப்புகளும், இன்றைய வாய்ப்புகளின் சற்று மாறுபட்ட வாய்ப்புகளும் இத்துறையில் உள்ளன. ஆனால், இதுவரை கணினித் துறையில் இல்லாத அளவு, மாறுபட்ட சிந்தனையுடன் அணுக வேண்டிய வாய்ப்புகள் இவை – நீங்கள் புதுத் தொழில் தொடங்க விழைபவரோ அல்லது, புதிய வேலை தேடுபவரோ எப்படி இருந்தாலும் சரி.

கல்லூரிகள் இன்னும் இந்தத் துறைக்குத் தேவையான கல்வி முறையை இன்னும் அமைக்கவில்லை. ஓரளவிற்கு நிரலுவதில் தேர்ந்தவர்கள், இத்துறையில் முன்னேற பல கருவிகள் உள்ளன. சிலவற்றை இங்கு பார்ப்போம்: Top 49 Tools For The Internet of Things | ProfitBricks Blog

அடிப்படையான விஷயங்களைச் செய்து புரிந்து கொள்ள விழைபவர்களுக்கு, இங்கு ஆர்டினோ என்ற ஒரு நிரல் மொழி தாங்கிய ஒரு கருவிகள் கூட்டு. சில சின்ன பிராஜட்டுகளைச் செய்து நீங்கள் நன்றாக தேறியவுடன் உங்களது கற்கும் முறைகளில் நீங்கள் முன்னேறலாம். இது போன்ற பல கருவிகளின் கூட்டு கிடைக்கிறது: Gikfun Starter Learning Kit with Power Supply 9V 1A for Arduino EK8412: Amazon.ca: Electronics

ஆர்டினோ பிராஜக்ட்டுகள் செய்ய பல புத்தகங்களும் கிடைக்கின்றன: Amazon.ca: arduino project book

இந்த கருவிகள் கூட்டு பயன்படுத்த உங்களுக்கு இந்தத் துறை எப்படி வேலை செய்கிறது என்று ஓரளவு புரியவரும். பள்ளி மாணவர்கள் மற்றும் ஆரம்ப தொழில்நுட்பம் கற்பவர்கள் அவசியம் இது போன்ற கருவிகளின் கூட்டு கொண்டு கற்றால், எதிர்காலத்தில் மேலும் பயின்று இந்தத் துறையில் முன்னேறலாம்.

சொல்வனம் – ஜூலை 2016

பாதுகாப்புப் பிரச்னைகள்-கருவிகளின் இணையம் – பகுதி 21

பாதுகாப்புப் பிரச்னைகள் மற்றும் குறைகளைப் பற்றி நிறைய சொல்லிவிட்டோம். எப்படி வடிவமைத்தால், இவ்வகை தெரிந்த பாதுகாப்புப் பிரச்னைகளைத் தவிர்க்கலாம் என்று பார்ப்போம். கருவிகளின் வடிவமைப்பு அணுகுமுறை மாறுவது அவசியம். நல்ல வேளையாக இவ்வகை முயற்சிகள் உலகெங்கும் பல அமைப்புகளால் முன்வைக்கப்பட்டுள்ளன. இன்னும் சில ஆண்டுகளில், பெரும்பாண்மைத் தயாரிப்பாளர்கள் இந்த பரிந்துரைகளைப் பின்பற்றத் தொடங்குவார்கள் என்று நம்பலாம். இல்லையேல், இந்தத் துறையே வாங்குவோரின்றி முடங்க வாய்ப்புண்டு.

பாதுகாப்பு வடிவமைப்புக் குறிக்கோள்கள்

 

1சில முக்கிய வடிவமைப்பு அணுகுமுறைகளைப் பார்ப்போம்.

  1. வரும்வரை காத்திராமல் வடிவமைப்பில் பாதுகாப்பை முன்வைக்க வேண்டும். கருவிகளை வடிவமைக்கும் பொழுது, தரவுகளை விஷமிகள் திருடுவார்கள், கருவிகளையே திருடக்கூடும், தரவுகளை மாற்றி, முடிவுகளைத் திசை திருப்ப முயல என்ன வழிகளைக் கையாள்வார்கள் என்று பல சாத்தியங்களை ஆராய்ந்து கருவிகளை உருவாக்க வேண்டும். இப்படிச் செய்தாலே, விஷமிகள் புதிய வழிகளைக் கண்டுபிடித்து விடுகிறார்கள். இவ்வாறு செய்தால், குறைந்த பட்சம், சாதாரண இணையத் தாக்குதல்களைத் தவிர்க்கலாம். தீவிரத் தாக்குதல்களைக் கடினமாக்கலாம்
  2. அந்தரங்கம் பற்றிய கவலை எதுவும் இல்லாமல் பொருட்களை வடிவமைப்பது கணினி தொழிலில் ஒரு பழக்கமாகி விட்டது. பிரச்னை வந்தால் பார்த்துக் கொள்ளலாம் என்ற பழைய பல்லவி கருவி இணைய உலகில் உதவாது. பயன்பாட்டாளர்களின் அந்தரங்கம் ஆரம்பத்திலிருந்தே ஒரு வடிவமைப்புக் குறிக்கோளாக அமைய வேண்டும்
  3. இன்னொரு முக்கிய கொள்கை, ’என்னுடைய பங்கைச் சரியாக செய்து விடுவேனாக்கும்!’ போன்ற பழைய அலட்டல்கள் கருவி இணைய உலகில் வேகாது. இணைக்கப்பட்டுள்ள அத்தனை பாகங்களில் ஒன்று பாதுகாப்பற்று இருந்தால், மொத்த முயற்சியும் வீண்தான்.
  4. முக்கியமாக, கருவி இணைய உலகில் தரவுப் பாதுகாப்பு மிகவும் முக்கியமானது. சாதாரண கணினி உலகை விட இது மிகவும் மாறுபட்டது. அதாவது, சேகரிக்கப்படும் ஒவ்வொரு தரவும், அதன் சேகரிப்பு நேரத்திலிருந்து, அழிக்கப்படும் நேரம் வரை எப்படிப் பாதுகாக்கப்பட வேண்டும் என்று சிந்தித்து வடிவமைக்கப்பட வேண்டும். இங்குதான் பல மறைமுக கோளாறுகள் நேர்கின்றன. ‘நாங்கள் உயர்தர பாதுகாப்பு முறைகளை மேக சேமிப்பில் பயன்படுத்துகிறோம்’ என்று அலட்டிக் கொள்ளும் ஒவ்வொரு நிறுவனமும், தரவின் பயன் முடிந்தவுடன் என்ன செய்கின்றன என்று ஆராய்ந்தால், எந்த நிறுவனமும் தேறாது.

2

 

பாதுகாப்பு வடிவமைப்பு முறைகள்

குறிக்கோள்கள் எல்லாம் சரி – இனி, பாதுகாப்பான கருவி இணைய முயற்சி ஒன்று  எப்படி இருக்கும் என்று பார்ப்போம். அவரசரமாக காசாக்க வேண்டும் என்ற துடிப்பு அதிகம் தேவையில்லாத ஒரு நேர்மையான நிறுவனம் ஒன்று இதை உருவாக்குகிறது என்று மனதில் நினைத்துக் கொள்வோம்.3

 

  1. முதல் படி – எப்படி எல்லாம் பாதுகாப்புக்கு சமரசம் ஏற்படலாம் (threat assessment) என்பதை முழுவதுமாக அலச வேண்டும்.
    1. பொருள் சார்ந்த பாதுகாப்பு சமரசங்களைத் தவிர்ப்பது எப்படி என்பதை முதலில் ஆராய வேண்டும்.
    2. கருவி இணைய கட்டமைப்பின் ஆரம்ப அமைப்பு – யார், எதனை, எதற்காக, எப்படி, எங்கு பயன்படுத்துவார்கள் என்பதை முழுவதும் புரிந்த கொள்ள உதவும் படி இது.
    3. கருவி இணைய அமைப்பைத் தனித்தனியாகப் பிரித்து, எப்படி தரவுகள் அங்கு பயணிக்கின்றன, தேக்கப்படுகின்றன என்று பாதுகாப்பு கோணத்தில் ஆராய வேண்டும்
    4. எந்த ஒரு வடிவமைப்பிலும் குறைகள் இருக்கவே செய்யும். உருவாக்கப்பட்டக் கட்டமைப்பில் உள்ள பாதுகாப்பு குறைகள் என்னென்ன என்று பட்டியலிடப்பட வேண்டும்
    5. பட்டியலிடப்பட்ட பாதுகாப்புக் குறைகளில் அதிகமான தாக்கம் உள்ள குறை எது, அடுத்தபடி உள்ள குறை என்ன என்று ஒரு மதிப்பீடு தரப்பட வேண்டும். இப்படிச் செய்வதால், குறைந்தபட்சம் பாதுகாப்புக் குறைகளில் முதல் மூன்று அல்லது ஐந்து விஷயங்களையாவது தயாரிப்பாளர்கள் அல்லது நிரலர்கள் தங்களுடைய வடிவமைப்பில் நிவர்த்தி செய்ய முயற்சிப்பாளர்கள்4
  2. இரண்டாம் படி – பாதுகாப்பு எங்கும் நிறைந்திருக்கும் தயாரிப்பு அல்லது நிரலாக்கம். (secure development)
    1. பயன்பாட்டு சான்றளிப்பு மிகவும் பாதுகாப்பான ஒன்றாக இருக்க வேண்டும்
    2. மறைகுறியாக்க முறைகள், தரவுகளை தேக்கவும், அனுப்பவும் பயன்படுத்தப்பட வேண்டும்
    3. மற்ற பங்காளிகளின் தயாரிப்புடன் ஒரு கருவி இணைய முயற்சியை வெளிக் கொண்டு வரும் பொழுது, ஆரம்பத்திலிருந்து, கடைசிவரை பாதுகாப்பான தரவுப் போக்குவரத்திற்கு வழி வகுக்க வேண்டும். இன்று நடப்பது போல, சாக்கு போக்கு சொல்லித் தப்ப முயற்சிக்கக் கூடாது
  3. முன் பகுதியில் பார்த்தது போல, உருவாக்கப்படும் கருவி இணைய சேவையில் பல அடுக்களிலும் பாதுகாப்பு சரியாக அமைவதோடு, சோதனையும் செய்து பார்க்க வேண்டும்.
    1. வலையமைப்புப் பாதுகாப்பு மிகவும் முக்கிய விஷயம். விளிம்பில் இருக்கும் கருவிகளைத் தவிர்த்து, உள்ளே நிறுவனத்தை பாதுகாப்பது பயன் தராது
    2. பயன்பாட்டுப் பாதுகாப்பு என்பது சிக்கலான பிரச்னை. இதில் தரவுப் பாதுகாப்பும் அடங்கும்
    3. மனிதப் பயன்பாடு சார்ந்த பாதுகாப்பும் மிகவும் முக்கியம். கருவி இணையம் என்றவுடன், மனிதர்களுக்கு என்ன வேலை என்று விட்டு விட முடியாது. முக்கிய பாதுகாப்பு சமரசத்திற்கு மனிதர்களே காரணமாக உள்ளார்கள்
    4. விளிம்பில் உள்ள உணர்விப் பாதுகாப்பு இன்னொரு முக்கிய விஷயம். உணர்வி உருவாக்கும் தரவுகள் பாதுகாப்பாக மையத் தேக்கத்திற்குச் சென்றடைய வேண்டும். இதற்கான கட்டுப்பாடுகள்/வசதிகள் தயாரிப்புப் படியிலே மேற்கொள்ளப்பட வேண்டும்5
  4. நான்காம் படி – தரவுப் பாதுகாப்பு. மிகவும் நம்பகமான குறிமுறையாக்க முறைகள் (Elliptic Curve Diffie Hellman – ECDH) மற்றும் டிஜிட்டல் கையொப்ப முறைகள் பயன்படுத்தப்பட வேண்டும். தரவு என்றவுடன் இதை ஐந்து வகையாகப் பிரிக்கலாம்
    1. அசையா தரவின் பாதுகாப்பு (Data at rest security) – கருவிகளால் உருவாக்கப்படும் தரவுகள் குறிமுறையாக்க முறைகளால், பாதுகாக்கப்பட வேண்டும். மேலும், சரியான சான்றளிப்பில்லாமல், இந்த தரவுகளை யாராலும் புரிந்து கொள்ள முடியாதபடி செய்தல் வேண்டும்
    2. அசையும் தரவின் பாதுகாப்பு (data in transit security) – சரியான டிஜிட்டல் கையொப்பமின்றி தரவுகள் அனுப்பப்படக் கூடாது. இதைச் சரியாகச் செய்யவில்லையானால், அசையா தரவின் பாதுகாப்பு அர்த்தமில்லாமல் போய்விடும்
    3. பயனில் உள்ள தரவின் பாதுகாப்பு (data in use security) – பாதுகாப்பான சூழ்நிலையை கருவிகளுக்குள் அமைப்பது அவசியம். மைய தேக்கியிலிருந்து அனுப்பப்படும் தரவுகளைப் பயன்படுத்தும்பொழுது, கருவியின் நினைவகத்திலிருந்து எளிதாக தரவுகளை தவறாகப் பயன்படுத்தும் முயற்சிகளைத் தடுக்கவே இந்த வடிவமைப்பு. பல உயர்தர பயன்பாடுகள் இது போன்ற அமைப்புகளை உருவாக்கினாலும் (உதாரணம், ராணுவப் பயன்பாடுகள்), சாதாரணப் பயன்பாடுகள் செலவைக் குறைக்க இந்த வடிவமைப்பை சீரியஸாக எடுத்துக் கொள்வார்கள் என்று சொல்ல முடியாது
    4. தரவு நஷ்டப் பாதுகாப்பு (data loss prevention) – எந்த ஒரு கருவி இணைய அமைப்பும், புதிய உணர்விகள் சேர்த்த வண்ணம் இருக்கும் என்று நம்பலாம். புதிய உணர்விகளைச் சேர்த்தவுடன், பழைய கருவிகள் அனுப்பும் தரவுகள் தொலைந்து போகாமல் பார்த்துக் கொள்ள வேண்டும். ஒவ்வொரு கருவி அனுப்பும் தரவும், இன்ன கருவி அனுப்பியது என்று சரியாகச் சொல்லும் வழி இருப்பது அவசியம்
    5. தரவுத் திரள்வுப் பாதுகாப்பு (data aggregation security) – கருவி இணைய உலகில் மிகவும் முக்கியமான பாதுகாப்பு விஷயம் இது. தொழில்நுட்பப் பகுதியில் பார்த்தது போல, உணர்விகள் சேகரிக்கும் அத்தனை தரவுகளையும் மைய தேக்கத்திற்கு சிலப் பயன்பாடுகள் அனுப்புவதில்லை. மையத் தேக்கத்துடன் தொடர்பில் இருக்கும் மின்பரப்பி/வாங்கி, தரவுகளை திரட்டி, ஒரு குறிப்பிட்ட நேரத்தில், தரவுத் திரள்வை அனுப்பும். இத்தகைய திரள்வுப் பாதுகாப்பாக அனுப்பப்பட வேண்டும். குறிமுறையாக்க முறைகள் இதிலும் பின்பற்றப்பட வேண்டும், அதிகம் கவனமில்லாமல் செய்யப்படும் பாதுகாப்பு விஷயம், கருவி இணைய உலகில், தரவுத் திரள்களைக் கையாளும் முறைகள்.

 

இவ்வாறு பல வடிவமைப்பு முறைகள் இருக்கத்தான் செய்கின்றன. சற்றும் இதைப் பற்றி கவலையில்லாமல், பயன்பாட்டை மட்டுமே முன்வைக்கும் நிறுவனங்கள் இருக்கத்தான் செய்கின்றன. நுகர்வோரை வெறும் விற்பனைத் தந்திரங்கள் கொண்டு வசியம் செய்யும் நிறுவனங்கள் இருக்கத்தான் செய்யும். இப்பொருட்களை வாங்கும் நுகர்வோர், தகுந்த பாதுகாப்பு கேள்விகளை கேட்டால்தான் நிலமை சரியாகும். சந்தேகத்துடன் இந்தத் துறையில் வாங்குவது ஒரு நல்ல விஷயம் என்றே சொல்ல வேண்டும்.

 

நாம் தொழிநுட்பப் பகுதியில் பார்த்த சில கம்பியில்லா முறைகள் எந்த வகை பாதுகாப்பை அளிக்கிறது என்று பார்ப்போம்.

 

கம்பியில்லாத் தொழில்நுட்பம் பாதுகாப்பு முறைகள் கருத்துரை
CoAP –    முன் பங்கு சாவிகள் (preshared key)–    அடிப்படைப் பொது சாவிகள் (raw public key)

–    சான்றிதழ்கள் (certificate)

பலவித பாதுகாப்பு அமைப்புகள் கொண்ட நுட்பம். கருவிகளின் உரையாடல்களை பாதுகாப்பாக அனுப்பும் நுட்பம்
Zigbee –    முன் பங்கு சாவிகள் (preshared key) ஜிக்பீ நுட்பம், வலையமைப்பு மற்றும் பயன்பாட்டு அளவில் சான்றிதழ்கள் மற்றும் குறிமறையாக்க முறைகளை அளிக்கிறது
Bluetooth –    பங்கு சாவிகள் (shared key) மிகவும் பாதுகாப்பற்ற நுட்பம் இது. வெறும் பின்களை மட்டுமே நம்பும் முறை இது. இதை பேரிங் என்று அழைக்கிறார்கள். பல புளூடூத் கருவிகள் எந்த பின்னும் இல்லாமல் இன்றும் பேரிங் செய்கின்றன
Bluetooth LE –    தொடர்பு கையொப்பச் சாவி (Connection signature resolving key)–    கருவி அடையாளச் சாவி (identity resolving key) சாதாரண புளூடூத் முறையை விடப் பாதுகாப்பானது. ஆனால், தொடர்பு கையொப்பச் சாவிகள் எந்த குறிமுறையாக்க முறைகளையும் பின்பற்றுவதில்லை. சில கருவிகள் ECDH முறைகளைப் பின்பற்றி, சாவிகளை மாற்றிக் கொள்ளும் திறமையுடன் வருகின்றன

பல சாக்கு போக்குகளைத் தயாரிப்பாளர்கள் சொல்லி வருகிறார்கள். இதில் மிக முக்கியமான சாக்கு இதுதான் – கருவிகள் பல வருடங்கள் வேலை செய்ய மிக குறைந்த மின்கல சக்தியைக் கொண்டு செயல்பட வேண்டும். இவ்வாறு செயல்பட, அதிக மின் சக்தியை உறிஞ்சாத செயலிகள் தேவை. அதிக மின் சக்தியை உறிஞ்சாத செயலிகள் அதிக சக்தி வாய்ந்தவையும் அல்ல. குறிமுறையாக்க முறைகளுக்கு ஏராளமான செயலித் திறன் தேவைப்படுகிறது. மின்கல கருவி வாழ்வா அல்லது பாதுகாப்பா என்ற கேள்விக்கு பதில், இந்தத் தொடரைப் படிக்கும் ஒவ்வொரு வாசகருக்கும் புரிந்திருக்கும். நல்ல வேளை, குறைந்த சக்தியுள்ள செயலிகளில் சிக்கனமாக வேலை செய்யும் குறிமுறையாக்க வழிகளை ஆராய்ச்சியாளர்கள் உருவாக்கி வருகிறார்கள். இதைப் பற்றி பின் வரும் பகுதிகளில் பார்ப்போம்.

சொல்வனம் – ஜூலை 2016